యూఎస్ ఓపెన్ నుంచి వైదొలిగిన జకోవిచ్

యూఎస్ ఓపెన్ నుంచి డిఫెండింగ్ ఛాంపియన్ జకోవిచ్ వైదొలిగాడు. నాలుగో రౌండ్​లో వావ్రింకాతో జరిగిన మ్యాచ్​లో గాయంతో బాధపడ్డ ఈ ఆటగాడు టోర్నీ నుంచి తప్పుకుంటున్నట్లు ప్రకటించాడు.

డిఫెండింగ్ ఛాంపియన్, నెంబర్ వన్ టెన్నిస్ ఆటగాడు నొవాక్ జకోవిచ్ యూఎస్ ఓపెన్​ నుంచి వైదొలిగాడు. గాయం కారణంగా నాలుగో రౌండ్​లో ఆడలేకపోయిన ఈ సెర్బియా స్టార్ టోర్నీ నుంచి తప్పుకుంటున్నట్లు ప్రకటించాడు.

వావ్రింకాతో జరిగిన నాలుగో రౌండ్ మ్యాచ్​లో మూడో సెట్​ జరుగుతున్న సమయంలో గాయంతో ఇబ్బంది పడ్డాడు జకోవిచ్. అప్పటికే ఈ మ్యాచ్​లో 6-4, 7-5, 2-1 తేడాతో వెనుకబడ్డాడు. క్వార్టర్​ ఫైనల్లో మెద్వదేవ్​తో తలపడనున్నాడు వావ్రింకా.

చివరగా జరిగిన ఐదు గ్రాండ్​ స్లామ్​లలో నాలుగింటిని గెలిచి జోరు మీదున్న జకోవిచ్ ఇలా వైదొలగడం అతడికి నిరాశ కలిగించేదే.

జకోవిచ్​ యూఎస్ ఓపెన్ నుంచి అర్ధంతరంగా తప్పుకున్నాడు. అంతా సవ్యంగా ఉంటే సెమీ ఫైనల్లో ఫెదరర్​తో పోటీ పడేవాడీ ఆటగాడు. ఈ మ్యాచ్​ కోసం టెన్నిస్ అభిమానులు ఎంతగానో ఎదురుచూశారు. కానీ వారికి నిరాశే మిగిలింది.

ఇవీ చూడండి.. భావోద్వేగభరితం.. ఆ టెన్నిస్ మ్యాచ్​