ప్రపంచ వ్యాప్తంగా కరోనా వైరస్‌ విజృంభిస్తోన్న నేపథ్యంలో పలు టోర్నీలు రద్దయ్యాయి. ఈ సందర్భంలో అనేక మంది క్రీడాకారులు తమ ఇళ్లకే పరిమితమై స్వీయ నిర్బంధం పాటిస్తున్నారు. ఖాళీ సమయాల్లో ఏం చేయాలో తెలియక కొందరు సామాజిక మాధ్యమాల్లో అభిమానులతో ముచ్చట్లు పెడుతున్నారు. ఈ క్రమంలోనే కెనడాకు చెందిన టెన్నిస్ తార, 2014 వింబుల్డన్‌ రన్నరప్‌ గినీ బౌచర్డ్ చేసిన ఓ సరదా ట్వీట్‌కు విచిత్రమైన స్పందన లభించింది.
టెన్నిస్ భామకు 'డేటింగ్' వినతుల వెల్లువ - Genie Bouchard images
కెనడా టెన్నిస్ ప్లేయర్ గినీ బౌచర్డ్.. తాజాగా చేసిన ఓ ట్వీట్ వైరల్గా మారింది. కరోనా నేపథ్యంలో ఆమె చేసిన పోస్టుకు నెటిజన్లు విపరీతంగా స్పందిస్తున్నారు. అంతేకాకుండా డేటింగ్ కోసం పెద్ద ఎత్తున వినతులు పంపుతున్నట్లు గినీ తెలిపింది.
టెన్నిస్ ప్లేయర్కు వెళ్లువెత్తుతున్న డేటింగ్ వినతులు
నెటిజన్లతో చాటింగ్‌ చేద్దామని భావించిన గినీ.. శనివారం ఓ సరదా ట్వీట్ చేసింది. " ఎవరినీ ఉద్దేశించట్లేదు కానీ, క్వారంటైన్‌లో బాయ్‌ఫ్రెండ్‌తో ఉంటే మరింత బాగుంటుంది" అని పోస్టు చేసింది. ఇందుకు నెటిజన్లు పెద్ద ఎత్తున స్పందిస్తున్నారు. ఆమె చేసిన ట్వీట్‌లోని ఈమెయిల్‌కు ఎక్కువ సంఖ్యలో 'డేటింగ్ రెజ్యూమేలు' పంపించారు. ఈ విషయాన్ని తన మేనేజర్‌ చెప్పాడని, ఇకపై తనకు అలాంటి వినతులు పంపొద్దని మరో ట్వీట్‌లో కోరింది. ఈమెకు సామాజిక మాధ్యమాల్లో మంచి ఫాలోయింగ్ ఉంది. గతంలోనూ ఈ అమ్మడు పెట్టిన పలు బికినీ ఫొటోలు.. నెట్టింట వైరల్ అయ్యాయి.
వైరస్‌ మహమ్మారి కారణంతో టెన్నిస్ రంగంలో ఏటీపీ, డబ్ల్యూటీఏ టోర్నీలు, ఫ్రెంచ్‌ ఓపెన్‌ వాయిదా పడ్డాయి. ప్రపంచ వ్యాప్తంగా ఇప్పటివరకు 3 లక్షల 81వేలకు పైగా కేసులు నమోదు కాగా... 1 లక్షా 2 వేలకు పైగా బాధితులు చికిత్స పొంది క్షేమంగా ఉన్నారు. 16వేల 558 మంది మృతిచెందారు.
Last Updated : Mar 24, 2020, 11:14 AM IST