రొమేనియా స్టార్ టెన్నిస్ ప్లేయర్ సిమోనా హలెప్ టోక్యో ఒలింపిక్స్ నుంచి తప్పుకుంటున్నట్లు ప్రకటించింది. రోమ్ వేదికగా జరిగిన డబ్ల్యూటీఏ టోర్నీలో రెండో రౌండ్ మ్యాచ్ సందర్భంగా గాయపడింది హలెప్. అప్పటినుంచి ఆటకు దూరంగా ఉన్న ఆమె.. ఇటీవల ముగిసిన ఫ్రెంచ్ ఓపెన్తో పాటు వింబుల్డన్కు దూరమైంది.
"రొమేనియాకు ప్రాతినిధ్యం వహించడం కంటే గొప్ప విషయం మరొకటి లేదు. కానీ, కాలిపిక్క గాయం నుంచి నేనింకా కోలుకోలేదు. దానికింకా సమయం పట్టే అవకాశం ఉంది. అందుకే రానున్న టోక్యో ఒలింపిక్స్ నుంచి తప్పుకోవాలని నిర్ణయించుకున్నాను. ఇప్పటికే ఫ్రెంచ్ ఓపెన్తో పాటు వింబుల్డన్కు దూరమయ్యాను."
-సిమోనా హలెప్, టెన్నిస్ క్రీడాకారిణి.
"ఒలింపిక్స్ నుంచి తప్పుకుంటున్నాననే ఆలోచనే జీర్ణించుకోలేకపోతున్నాను. కానీ, అంతే బలంగా తిరిగి గాయం నుంచి కోలుకుంటాను. రొమేనియా అథ్లెట్లను చూస్తూ సంతోషంగా గడుపుతాను" అని హలెప్ ట్విట్టర్లో పేర్కొంది.
హలెప్తో పాటు యూఎస్ టెన్నిస్ క్రీడాకారిణి సెరెనా విలియమ్స్, ప్రపంచ మూడో సీడ్ టెన్నిస్ ఆటగాడు రఫెల్ నాదల్, గతేడాది యూఎస్ ఓపెన్ విజేత డొమినిక్ థీమ్.. ఇప్పటికే టోక్యో ఒలింపిక్స్ నుంచి తప్పుకుంటున్నట్లు ప్రకటించారు.
ఈ ప్రతిష్టాత్మక ఆటలు టోక్యో వేదికగా జులై 23 నుంచి ఆగస్టు 8 వరకు జరగనున్నాయి. 2020లో జరగాల్సిన ఈ ఒలింపిక్స్ కొవిడ్ కారణంగా వాయిదా పడ్డాయి.
ఇదీ చదవండి:Wimbledon: వింబుల్డన్కు ఎంపికైన తొలి చైనా ఆటగాడు
