వింబుల్డన్ టైటిల్ ఫేవరెట్ సెరెనా విలియమ్స్కు భారీ జరిమానా విధించారు అధికారులు. ఆల్ ఇంగ్లాండ్ క్లబ్ కోర్టులలో ఒకదాన్ని తన రాకెట్తో పాడుచేయడమే కారణమని వెల్లడించారు. ఫలితంగా 7సార్లు ఛాంపియన్ షిప్ గెలిచిన ఈ టెన్నిస్ ప్లేయర్... దాదాపు రూ. 6 లక్షల 85 వేలు (10వేల డాలర్లు) జరిమానా కట్టాల్సిందిగా ఆదేశాలు అందాయి.
జూన్ 30న ప్రాక్టీస్ సెషన్లో పాల్గొన్న సెరెనా... రాకెట్తో టెన్నిస్ కోర్టును ధ్వంసం చేసిందని అధికారులు పేర్కొన్నారు. ఒక క్రీడాకారిణిగా ప్రవర్తించలేదని ఆరోపించారు. దీనిపై విలియమ్స్ వివరణ ఇచ్చింది.