సానియా బయోపిక్​లోకి మరో బాలీవుడ్​ నటి..!

ప్రముఖ​ టెన్నిస్​ ప్లేయర్​ సానియా మీర్జా బయోపిక్​ త్వరలో వెండితెరపై కనువిందు చేయనుంది. ఇప్పటికే ఈ సినిమా కోసం ఒప్పందం చేసుకున్నట్లు ఈ స్టార్​ ప్లేయర్​ అధికారికంగానూ వెల్లడించింది. అయితే ఇప్పుడు సానియా పాత్రలో బాలీవుడ్​ నటి కరీనాకపూర్​ నటిస్తుందని వార్తలొస్తున్నాయి.

భారత క్రీడాకారులు ధోనీ, మేరీకోమ్‌, మిల్కాసింగ్‌, మహవీర్‌ సింగ్(దంగల్‌)ల జీవితం తెరపై కనువిందు చేయగా.. వాటికి ప్రేక్షకుల నుంచి మంచి ఆదరణ లభించింది. అందుకే ఇటీవల కాలంలో క్రీడాకారులపై బయోపిక్​ల హవా నడుస్తోంది. త్వరలో భారత టెన్నిస్‌ క్రీడాకారిణి సానియా మీర్జా జీవితచరిత్ర తెరపైకి రానుంది.

తాజాగా ఈ సినిమాలో బాలీవుడ్​ నటి కరీనా కపూర్​ నటించనుందని సమాచారం. ఇప్పటికే సానియా పాత్రలో పరిణీతి చోప్రా, దీపికా పదుకొణె​ పేర్లూ పరిశీలించినట్లు వార్తలు వచ్చాయి.ఓ ప్రముఖ నిర్మాణ సంస్థ కరీనాతో చర్చలు జరిపిందని, ఇందుకు కరీనా కూడా సుముఖత చూపిందని తెలుస్తోంది. మరి, సానియా మీర్జాగా.. కరీనా కనిపిస్తుందా, మరొక నటి దర్శనమిస్తుందా? అంటే అధికారిక ప్రకటన రావాల్సిందే. ఈ చిత్రం తెలుగు, హిందీ, తమిళ భాషల్లో తెరకెక్కబోతుందట.

పరిణీతి, దీపికా