ఈ సీజన్లో ఫెదరర్ ఖాతాలో 50 విజయాలు స్విస్ దిగ్గజం రోజర్ ఫెదరర్ వరుస రికార్డులతో దూసుకెళ్తున్నాడు. తాజాగా బాసెల్ వేదికగా జరిగిన స్విస్ ఇండోర్ ఛాంపియన్షిప్ సెమీస్ మ్యాచ్లో గెలిచి ఈ సీజన్లో 50వ విజయాన్ని ఖాతాలో వేసుకున్నాడు. గ్రీస్కు చెందిన స్టెఫానో సిట్సిపాస్పై గెలిచి ఫైనల్కు దూసుకెళ్లాడు.
6-4, 6-4 తేడాతో 3వ సీడ్ స్టెఫానోను ఓడించాడు రోజర్. ఓ సీజన్లో 50 ఏటీపీ టూర్ విజయాలు అందుకోవడం ఫెదరర్కు ఇది 16వ సారి. ఇప్పటివరకు జరిగిన ఈ టోర్నీల్లో వరుసగా 23వ మ్యాచ్లు గెలిచిన రికార్డూ రోజర్ దక్కించుకున్నాడు.
"బాసెల్ టోర్నీలో మరో ఫైనల్ ఆడబోతున్నానంటే నమ్మలేకపోతున్నా. ఎంతో ఆనందంగా ఉంది. గేమ్ను బాగా ఎంజాయ్ చేశా. ప్రతి పాయింట్ కోసం మెరుగైన ప్రదర్శన చేస్తుంటే ఫలితం దక్కుతుంది. సొంత మైదానంలో ఉన్న ప్రయోజనమిదే" - రోజర్ ఫెదరర్, స్విస్ టెన్నిస్ ప్లేయర్.
ఆదివారం జరగబోయే తుదిపోరు స్విస్ దిగ్గజానికి 157వ టూర్ ఫైనల్ అవుతుంది. ఇప్పటికే 20 గ్రాండ్స్లామ్లు గెలిచి అత్యధిక టైటిల్స్ నెగ్గిన టెన్నిస్ ప్లేయర్గా రికార్డు సృష్టించాడు ఫెదరర్. తాజాగా ఈ ఘనతనూ తన ఖాతాలో వేసుకున్నాడు.
ఇదీ చదవండి: ఫ్రెంచ్ ఓపెన్ ఫైనల్లో సాత్విక్ - చిరాగ్ జోడీ
