ఫ్రెంచ్​ ఓపెన్​కు టాప్ ప్లేయర్ దూరం

టెన్నిస్​ స్టార్​ ప్లేయర్ నవోమి ఒసాకా, ఫ్రెంచ్​ ఒపెన్​ నుంచి తప్పుకుంది. ఎడమ కాలికి అయిన గాయం ఇంకా తగ్గకపోవడం వల్లే ఈ నిర్ణయం తీసుకున్నట్లు ట్వీట్ చేసింది.

యూఎస్​ ఓపెన్​ ఛాంపియన్, జపాన్ స్టార్ ప్లేయర్​ నవోమి ఒసాకా ఫ్రెంచ్​ ఓపెన్​ నుంచి తప్పుకుంది. ఆగస్టులో న్యూయార్క్​ వేదికగా జరిగిన వెస్ట్రన్​ అండ్​ సదరన్​ ఓపెన్​లో గాయపడిన ఈమె... టోర్నీ ఫైనల్​ నుంచి వైదొలిగింది. కాలు నొప్పి ఇంకా తగ్గకపోవడం వల్ల ఫ్రెంచ్​ ఓపెన్​కూ దూరమవుతున్నట్లు తెలిపింది. పారిస్​లో సెప్టెంబరు 27న ఈ టోర్నీ ప్రారంభం కానుంది.

దేశంలో కరోనా వ్యాప్తి పెరుగుతుండటం వల్ల స్టేడియంలో ప్రేక్షకుల సంఖ్యపై పరిమితులు విధించనున్నట్లు నిర్వహకులు ప్రకటించారు. గతంలో రోజుకు 11వేల మందికిపైగా అనుమతించాలని ప్రణాళిక వేశారు. కానీ పారిస్​ పోలీసు శాఖ నిబంధనల ప్రకారం రోజుకు 5వేల మంది మాత్రమే ప్రత్యక్షంగా టోర్నీ వీక్షించే అవకాశముందని తెలిపారు.