ఫ్రెంచ్​ ఓపెన్​లో ప్రేక్షకుల పరిమితి కుదింపు

ఫ్రెంచ్ ఓపెన్‌లో ప్రేక్షకుల పరిమితిని వేయికి తగ్గించారు. కరోనా మహమ్మారి విజృంభిస్తున్న కారణంగా అధికారులు ఈ నిర్ణయం తీసుకున్నారు.

పారిస్​లో కరోనా తీవ్రతరం అవుతుండటం వల్ల.. ఫ్రెంచ్​ ఓపెన్​లో పాల్గొనే ప్రేక్షకుల పరిమితిని కుదించారు. రోజుకు 1000 మందిని మాత్రమే అనుమతించాలని అధికారులు నిర్ణయించారు. అయితే ఆటగాళ్లు, కోచ్​లు, నిర్వహకులు ఇతర సిబ్బందికి ఈ నిబంధన వర్తించదని స్పష్టం చేశారు.

ఫ్రెంచ్ ఓపెన్​

గతంలో ఈ టోర్నీకి రోజుకు 11వేల మందికిపైగా అనుమతించాలని నిర్ణయించగా.. వైరస్​ వ్యాప్తి కారణంగా 5 వేలకు కుదించింది అక్కడి ప్రభుత్వం. ఇప్పుడు మహమ్మారి ఉద్ధృతి మరింత పెరగడం వల్ల 1000 మందికి పరిమితం చేసింది.