వింబుల్డన్లో రఫెల్ నాదల్పై గెలిచిన మ్యాచ్ తనకెంతో ఇష్టమైన మ్యాచ్ల్లో ఒకటి అని రోజర్ ఫెదరర్ తెలిపాడు. అతడితో ఆటను ఎప్పుడూ ఆస్వాదిస్తానని మ్యాచ్ అనంతరం చెప్పాడు. శుక్రవారం హోరాహోరీగా సాగిన సెమీస్లో రఫాపై 7-6, 1-6, 6-3, 6-4 తేడాతో విజయం సాధించాడు స్విస్ దిగ్గజం.
"రఫాతో ఆడటాన్ని ఎప్పుడూ ఆస్వాదిస్తా. నాకిష్టమైన మ్యాచ్ల్లో ఈ మ్యాచ్ ఒకటిగా మిగిలిపోతుంది. ఎందుకంటే అక్కడుంది రఫెల్ నాదల్" -రోజర్ ఫెదరర్, స్విట్జర్లాండ్ ఆటగాడు.
జకోవిచ్తో జరగనున్న తుదిపోరు రసవత్తరంగా సాగనుందని జోస్యం చెప్పాడు ఫెదరర్.
"నొవాక్ డిఫెండింగ్ ఛాంపియన్. అతడితో మ్యాచ్ కొంచెం కష్టమైనా... ఓడించడానికి ప్రయత్నిస్తాను. మ్యాచ్ రసవత్తరంగా సాగనుంది" -రోజర్ ఫెదరర్, స్విట్జర్లాండ్ ఆటగాడు.