ఫ్రెంచ్‌ ఓపెన్ ముంగిట నొవాక్ జకోవిచ్‌కు స్ఫూర్తినిచ్చే విజయం. ఈ సెర్బియా స్టార్ ఇటాలియన్ ఓపెన్ సొంతం చేసుకున్నాడు. సోమవారం జరిగిన పురుషుల సింగిల్స్ ఫైనల్లో జకోవిచ్ 7-5, 6-3 తేడాతో స్క్వాట్జ్‌మ్యాన్‌ (అర్జెంటీనా)ను ఓడించాడు. తొలి సెట్లో ప్రత్యర్థి నుంచి పోటీ ఎదుర్కొన్న జకో.. పదకొండో గేమ్‌లో అతని సర్వీస్‌ బ్రేక్‌ చేసి సెట్‌ గెలిచాడు. రెండో సెట్లోనూ అదే జోరు ప్రదర్శించిన నొవాక్.. సెట్‌తో పాటు టైటిల్‌ సొంతం చేసుకున్నాడు. ఈ టోర్నీలో ఆటతో కాక తన చర్యలతో అంపైర్ల నుంచి హెచ్చరికలు అందుకున్న జకోకు తాజా విజయం ఊరటనిచ్చేదే.
ఇటాలియన్ ఓపెన్ విజేతలుగా జకోవిచ్, హలెప్
ఇటాలియన్ ఓపెన్ పురుషుల సింగిల్స్లో సెర్బియా స్టార్ నొవాక్ జకోవిచ్, మహిళల సింగిల్స్లో రొమేనియాకు చెందిన సిమోనా హలెప్ విజేతలుగా నిలిచారు. ఫైనల్లో స్క్వాట్జ్మ్యాన్పై 7-5, 6-3 తేడాతో జకోవిచ్ విజయం సాధించాడు. మరోవైపు మహిళల సింగిల్స్లో చెక్ రిపబ్లిక్కు చెందిన కరోలినా ప్లిస్కోవా గాయం కారణంగా తప్పుకోగా హలెప్ను విజేతగా ప్రకటించారు.
ఇటాలియన్ ఓపెన్ విజేతలుగా జకోవిచ్, హలెప్
మహిళల టైటిల్‌ను టాప్‌ సీడ్‌ సిమోనా హలెప్ (రొమేనియా) సాధించింది. ఫైనల్లో ఆమె 6-0, 2-1తో ఆధిక్యంలో ఉన్న సమయంలో ప్రత్యర్థి కరోలినా ప్లిస్కోవా (చెక్ రిపబ్లిక్) గాయం కారణంగా పోటీ నుంచి తప్పుకుంది. వెన్ను గాయంతో బాధపడిన కరోలినా.. వైద్యం తీసుకుంటూనే ఆటను కొనసాగించింది. తొలి సెట్లో మూడుసార్లు సర్వీస్‌ కోల్పోయిన ఈ చెక్ అమ్మాయి.. రెండో సెట్లోనూ వెనుకబడిన దశలో వైదొలిగింది. దీంతో ట్రోఫీ హలెప్ సొంతమైంది. 2017, 2018 సీజన్లలోనూ ఈ టోర్నీలో ఫైనల్ చేరిన సిమోనా.. విజేతగా నిలవడం ఇదే తొలిసారి. మొత్తం మీద ఈ సీజన్లో ఆమెకిది మూడో టైటిల్‌.