ఫ్రెంచ్​ ఓపెన్​లో నయా సంచలనం

ఫ్రెంచ్‌ ఓపెన్‌ మూడో రౌండ్‌లో సంచలనం నమోదైంది. మహిళల సింగిల్స్‌లో రెండో సీడ్‌ కరోలినా ప్లిస్కోవా (చెక్‌ రిపబ్లిక్‌) ఇంటిముఖం పట్టింది. మూడో రౌండ్లో ప్లిస్కోవా 3-6, 3-6తో అన్‌సీడెడ్‌ పెట్రా మార్టిచ్‌ (క్రొయేషియా) చేతిలో పరాజయం పాలై టోర్నీ నుంచి నిష్క్రమించింది.

ఫ్రెంచ్‌ ఓపెన్‌ మహిళల సింగిల్స్‌ విభాగంలో రెండో సీడ్‌ కరోలినా ప్లిస్కోవా(చెక్‌ రిపబ్లిక్‌)కు షాకిచ్చింది అన్​సీడెడ్​ క్రొయేషియా క్రీడాకారిణి సీడెడ్​ పెట్రా మార్టిచ్​. శుక్రవారం జరిగిన మూడో రౌండ్లో ప్లిస్కోవా 3-6, 3-6తో పెట్రా మార్టిచ్‌ చేతిలో ఓడిపోయింది. ఈ మ్యాచ్‌లో మూడు డబుల్‌ఫాల్ట్‌లు చేసిన ప్లిస్కోవా.. ఐదుసార్లు సర్వీస్‌ కోల్పోయి ఓటమి చవిచూసింది.

తొమ్మిదో సీడ్‌ స్వితోలినా (ఉక్రెయిన్‌) ఓడిపోయింది. స్వితోలినా 3-6, 3-6తో ముగురుజ (స్పెయిన్‌) చేతిలో పరాజయం చవిచూసింది. వొండ్రొసోవా (రష్యా), సెవెత్సోవా (లాత్వియా) కూడా ప్రిక్వార్టర్స్‌ చేరారు.