పారిస్ మాస్టర్స్ నుంచి నాదల్​ ఔట్​

పొత్తి కడుపు గాయం కారణంగా పారిస్ మాస్టర్స్​కు దూరమయ్యాడు రఫెల్ నాదల్. రానున్న డెవిస్​కప్​లోనూ రఫా ఆడేది అనుమానంగా మారింది.

పారిస్ మాస్టర్స్ టోర్నీకి స్పెయిన్​బుల్ రఫెల్ నాదల్ దూరమయ్యాడు. పొత్తి కడుపు గాయం బారిన పడిన రఫా ఫ్రాన్స్​ వేదికగా జరుగుతున్న ఈ టోర్నీ నుంచి నిష్క్రమించాడు. ఈ కారణంగా ఇప్పటికే నెలరోజులు టెన్నిస్ కోర్టుకు దూరమయ్యాడు స్పెయిన్ బుల్.

"2009 యూఎస్ ఓపెన్​ నుంచే నేను ఈ గాయంతో బాధపడుతున్నా. ఇప్పుడు ఇది మరింత తీవ్రరూపం దాల్చింది. డెవిస్ కప్ సెమీస్​ కూడా ఆడలేనేమో. టెన్నిస్ కోర్టులో అడుగుపెట్టి నెలరోజులైంది." - రఫెల్ నాదల్, స్పెయిన్ టెన్నిస్ స్టార్

పదేళ్ల క్రితం ఇదే గాయంతో బాధపడ్డాడు రఫెల్ నాదల్. ఇప్పుడు మళ్లీ గాయం తిరగబెట్టిన కారణంగా రానున్న డెవిస్ కప్​లో ఆడేది లేనిది అనుమానంగా మారింది.

ఇదీ చదవండి: తొలి టీ20లో భారత్​పై బంగ్లా విజయం