ఏటీపీ టోర్నీలో నాదల్ ఓటమి.. ఫైనల్లో కుర్రాళ్లు

ఏటీపీ టెన్నిస్ టోర్నీలో స్టార్ ప్లేయర్లను ఓడించిన కుర్రాళ్లు మెద్వదేవ్, థీమ్ తుదిపోరుకు అర్హత సాధించారు. మరి ఎవరు విజేతగా నిలుస్తారో చూడాలి?

లండన్‌లో జరుగుతున్న ఏటీపీ పోటీల్లో మెద్వెదేవ్‌, డొమినిక్‌ థీమ్‌ ఫైనల్స్‌ చేరారు. శనివారం జరిగిన సెమీస్‌లో తొలుత డొమినిక్‌ 7-5, 6-7 (10/12), 7-6 (7/5) తేడాతో జకోవిచ్‌ను ఓడించగా తర్వాత మెద్వెదేవ్‌ 3-6, 7-6 (4), 6-3 తేడాతో రఫెల్‌ నాదల్‌ను దెబ్బకొట్టాడు. దీంతో ఇద్దరు దిగ్గజాలు సెమీస్‌ నుంచే ఇంటిముఖం పట్టారు.

'టెన్నిస్‌ చరిత్రలో ఇద్దరు దిగ్గజ ఆటగాళ్లను మేం ఓడించడం గర్వంగా ఉంది. ఈ ఆటలో ఇది ప్రత్యేకమైన సందర్భం' అని నాదల్‌ను ఓడించాక మెద్వెదేవ్‌ చెప్పాడు. ఈ మ్యాచ్‌ రెండో సెట్‌లో 5-4తో వెనుకబడిన తాను తర్వాత గేమ్​లో స్వల్ప మార్పులు చేసుకున్నట్లు చెప్పాడు. అలా చేయడం వల్ల తనకు కలిసి వచ్చిందని, దాంతో నాదల్‌ను ఓడించానని మెద్వెదేవ్‌ తెలిపాడు.

మెద్వదేవ్ - డొమినిక్ థీమ్