కెరీర్లో 29వ టైటిల్ కోసం జర్మనీకి చెందిన కెర్బర్ బరిలోకి దిగుతుంటే....కెనడాకు చెందిన 18 ఏళ్ల 'ఆండ్రెస్'.. ప్రత్యర్థిగా బరిలో నిలిచింది.
- ఆదివారం జరిగిన 'బీఎన్పీ పరిబాస్ 2019'లో తొలి సెట్ కోసం 41 నిముషాలు పోరాటం చేసింది ఆండ్రెస్. అనంతరం 6-4 తేడాతో సెట్ కైవసం చేసుకుంది. రెండో సెట్ 3-6 తేడాతో ఓడిపోయింది. దాంతో చివరి సెట్పై ఒత్తిడి పెరిగింది. అయినా ఏ మాత్రం పట్టు సడలకుండా ఆడి ఆధిపత్యం ప్రదర్శించింది. 6-4తో చివరి సెట్తో పాటు టైటిల్ను ఎగరేసుకుపోయిందీ కెనడా చిన్నది.
'బీఎన్పీ పరిబాస్ 2019' ఓపెన్ మహిళల సింగిల్స్లో ఓ సరికొత్త అధ్యాయాన్ని లిఖించింది ఆండ్రెస్. చిన్న వయస్సులోనే ఈ ఘనత సాధించి ఛాంపియన్ల సరసన నిలిచింది.
- ఇండియన్ వెల్స్ ఛాంపియన్స్...(తక్కువ వయస్సులో):
| క్రీడాకారిణి | సంవత్సరం | వయస్సు |
| సెరెనా విలియమ్స్ | 1999 | 17 సంవత్సరాల 169 రోజులు |
| మార్టినా హింగిస్ | 1998 | 17 సంవత్సరాల 166 రోజులు |
| మోనికా సెలెస్ | 1992 | 18 సంవత్సరాల 90 రోజులు |
| డేనియల్ హంట్చోవా | 2002 | 18 సంవత్సరాల 327 రోజులు |
| మారియా షరపోవా | 2006 | 18 సంవత్సరాల 333 రోజులు |
| బియాంక ఆండ్రెస్ | 2019 | 18 సంవత్సరాల 274 రోజులు |
ఎవరీ ఆండ్రెస్....?
2000,జూన్ 16నకెనడాలోని ఒంటారియోలో జన్మించింది ఈ భామ. పూర్తి పేరు బియాంక వనెస్సా ఆండ్రెస్.
- రికార్డుల రారాణి...