టెన్నిస్ ఆటగాళ్లు ఎంతమంది ఉన్నా.. రోజర్ ఫెదరర్ - రఫెల్ నాదల్ పోరు ఎప్పుడూ ప్రత్యేకమే. వీరిద్దరి మధ్య జరిగే మ్యాచ్ చూసేందుకు అభిమానులు ఆసక్తిగా ఎదురుచూస్తారు. ఎంతలా అంటే వచ్చే ఏడాది దక్షిణాఫ్రికాలో వీరి మధ్య జరగనున్న ఓ ఎగ్జిబిషన్ మ్యాచ్ కోసం అందుబాటులో ఉంచిన టికెట్లు 10 నిమిషాల్లో అమ్ముడైపోయాయి.
ఈ మ్యాచ్ టికెట్లను బుధవారం అంతర్జాలంలో ఉంచారు నిర్వాహకులు. దాదాపు 48వేల టికెట్లు కేవలం 10 నిమిషాల్లో కొనుగోలు చేశారు టెన్నిస్ ప్రియులు. ఒక్కో టికెట్ ధర 10 నుంచి 130 డాలర్ల(రూ. 710 - రూ. 9348) వరకు ఉంది. వచ్చే ఏడాది ఫిబ్రవరి 7న మ్యాచ్ జరగనుంది.