ఫ్రెంచ్​ ఓపెన్​: జకోవిచ్​ మ్యాచ్​కు వర్షం అడ్డంకి

ఫ్రెంచ్​ ఓపెన్​ ఒక సెమీ ఫైనల్​లో నాదల్​ ఫైనల్​ చేరగా.. మరో మ్యాచ్​ మధ్యలో ఆగిపోయింది. ప్రపంచ నంబర్​ వన్​ జకోవిచ్​- నాలుగో సీడ్​ థీమ్​ మధ్య మ్యాచ్​లో ఫైనలిస్టు ఎవరనేది తేలనివ్వకుండా వర్షం అడ్డుకుంది. శనివారం ఆట కొనసాగించనున్నారు.

ఫ్రెంచ్ ఓపెన్ గ్రాండ్‌స్లామ్ టోర్నీలో మరో ఫైనలిస్టును నిర్ణయించే మ్యాచ్​ ఉత్కంఠ పరిస్థితిలో ఆగిపోయింది. వర్షం కారణంగా నాదల్​తో టైటిల్​ కోసం తలపడే ఆటగాడు ఎవరన్నది తేలలేదు. శుక్రవారం జరిగిన పురుషుల సింగిల్స్​ రెండో సెమీస్‌లో ప్రపంచ నంబర్‌వన్ నొవాక్ జకోవిచ్ (సెర్బియా)... నాలుగో సీడ్ డొమినిక్ థీమ్ (ఆస్ట్రియా) మధ్య పోరుకు వర్షం ఆటంకం కలిగించింది. మ్యాచ్​ను వాయిదా వేసే సమయంలో జకోవిచ్ 2-6, 6-3, 1-3 తేడాతో థీమ్​ కన్నా కాస్త వెనుకంజలో ఉన్నాడు. ఇద్దరూ చెరో సెట్​ గెలిచి మూడో సెట్​లో విజయం కోసం పోరాడుతున్నారు. ఆటను తిరిగి శనివారం కొనసాగించనున్నారు.