మూడేళ్ల తర్వాత ఫ్రెంచ్ ఓపెన్ ఆడుతున్న టెన్నిస్ స్టార్ ఆటగాడు రోజర్ ఫెదరర్ క్వార్టర్స్లోకి ప్రవేశించాడు. ప్రిక్వార్టర్స్లో అర్జెంటీనా ఆటగాడు లియోనార్డో మేయర్ను 6-2, 6-3, 6-3 తేడాతో వరుస సెట్లలో చిత్తు చేశాడు. గంటా 42 నిమిషాల పాటు సాగిన ఈ మ్యాచ్లో ఫెదరర్ దూకుడు ముందు నిలవలేకపోయాడు మేయర్.
గ్రాండ్స్లామ్ టోర్నీలో క్వార్టర్స్కు చేరడం ఫెదరర్కిది 54వ సారి. ప్రస్తుతం జరుగుతున్న ఫ్రెంచ్ ఓపెన్లో ఫెదరర్ ఒక్క సెట్టూ కోల్పోకపోవడం విశేషం.
టైటిల్ ఫేవరేట్లలో ఒకడైన స్పెయిన్ బుల్ రఫెల్ నదాల్.. అలవోకగా ప్రిక్వార్టర్స్ను అధిగమించాడు. రెండో సీడ్ నదాల్ లాండెరో(అర్జెంటీనా)ను 6-2, 6-3, 6-3 తేడాతో చిత్తు చేశాడు. ఆరు ఏస్లతో పాటు.. 40 విన్నర్లు కొట్టారు రఫా. రికార్డు స్థాయిలో 12వ ఫ్రెంచ్ ఓపెన్ గ్రాండ్స్లామ్ టైటిల్పై కన్నేసిన నదాల్.. ప్రత్యర్థుల్ని హడలెత్తిస్తున్నాడు.
మరో స్విట్జర్లాండ్ ఆటగాడు వావ్రింకా.. 7-6, 5-7, 6-4, 3-6, 8-6 తో గ్రీస్ ఆటగాడు సిట్సిపాస్పై చెమటోడ్చి నెగ్గాడు.