అమెరికా యువ తార సోఫియా కెనిన్ సత్తా చాటింది. ఫ్రెంచ్ ఓపెన్లో జోరు కొనసాగిస్తూ ప్రిక్వార్టర్స్లో అడుగుపెట్టింది. శనివారం ఏకపక్షంగా సాగిన మహిళల సింగిల్స్‌ మూడో రౌండ్లో కెనిన్.. 6-2, 6-0తో క్వాలిఫయర్‌ ఇరినా బారా (రొమేనియా)ను చిత్తు చేసింది.
గతేడాది ఆస్ట్రేలియన్‌ ఓపెన్ నెగ్గిన కెనిన్.. ఈ ఏడాది యుఎస్‌ ఓపెన్లో ప్రిక్వార్టర్స్ చేరింది. చెక్‌ అమ్మాయి క్విటోవా కూడా ప్రిక్వార్టర్స్ చేరింది. ఏడో సీడ్‌ 7-5, 6-3తో లెలా ఫెర్నాండెజ్‌ (కెనడా)ను ఓడించింది. మరోవైపు ఎనిమిదో సీడ్‌ సబలెంక మూడో రౌండ్లోనే ఓడింది. పోటాపోటీగా సాగిన సమరంలో €6-7 (7-9), 6-2, 3-6తో ఆన్స్‌ జబెర్ (ట్యూనీసియా) చేతిలో పరాజయం చవిచూసింది. ఓ గ్రాండ్‌స్లామ్‌ టోర్నీలో ప్రిక్వార్టర్స్ చేరడం జబెర్కు ఇదే తొలిసారి. లాత్వియా స్టార్‌ ఒస్టాపెంకో 4-6, 3-6తో బడోసా (స్పెయిన్‌) చేతిలో ఓడిపోయింది.