వింబుల్డన్ ఫైనల్ మ్యాచ్ హైలెట్స్
అత్యంత ఉత్కంఠగా సాగిన వింబుల్డన్ పురుషుల సింగిల్స్ ఫైనల్లో డిఫెండింగ్ ఛాంపియన్ జకోవిచ్ విజేతగా నిలిచాడు. ఈ టోర్నీ చరిత్రలోనే అత్యంత సుదీర్ఘంగా 4 గంటల 57 నిమిషాల పాటు ఈ మ్యాచ్ సాగింది. స్విస్ దిగ్గజ క్రీడాకారుడు ఫెదరర్పై 7-6 (7/5), 1-6, 7-6 (7/4), 4-6, 13-12 (7/3) పాయింట్ల తేడాతో గెలుపొందాడు జకో.
ఫెదరర్ నుంచి తీవ్ర ప్రతిఘటన ఎదురైనప్పటికీ.. రెండు మ్యాచ్ పాయింట్లను కాపాడుకోవడం ద్వారా జకో విజయం సొంతం చేసుకున్నాడు. ఐదోసారి వింబుల్డన్ ట్రోఫీని ముద్దాడాడు.
ఈ మ్యాచ్‌లో ఫెదరర్ మొదటి నుంచీ గట్టి పోటీ ఇస్తూ వచ్చాడు. తొలి సెట్ను 6-7 వరకూ తీసుకెళ్లి ఓడిపోయాడు. రెండో సెట్ను 6-1 తేడాతో అలవోకగా గెల్చుకొని జకోవిచ్‌కు సవాలు విసిరాడు. మూడో సెట్‌లోనూ ప్రత్యర్థికి చెమటలు పట్టించిన ఫెదరర్ ఆ సెట్ను స్వల్ప తేడాతో కోల్పోయాడు.