ఫ్రాన్స్ వేదికగా జరుగుతున్న మోంటే కార్లో మాస్టర్స్ టోర్నీలో ప్రపంచ నంబర్ వన్ టెన్నిస్ స్టార్ నొవాక్ జకోవిచ్ పరాజయం పాలయ్యాడు. బ్రిటన్ ప్లేయర్ డాన్ ఇవాన్స్ చేతిలో 6-4, 7-5 తేడాతో ఓడిపోయాడు. అయితే తన కెరీర్లోనే ఇదో అత్యంత చెత్త ప్రదర్శన అని జకోవిచ్ పేర్కొన్నాడు. ఈ మ్యాచ్ విజయంతో ఇవాన్స్ క్వార్టర్ ఫైనల్లోకి ప్రవేశించాడు.
"నిజం చెప్పాలంటే ఇదొక చెత్త ప్రదర్శన. కోర్టులో ఇవాన్స్ను నిలువరించలేకపోయా. ఈ మ్యాచ్ మొత్తం భయంకరంగా భావించాను. ఏమీ చేయలేకపోయా. జన్నిక్తో మ్యాచ్కు ఇది పూర్తిగా వ్యతిరేకం. ఇవాన్స్ నా ఆటను కుప్పకూల్చాడు" అని నొవాక్ అభిప్రాయపడ్డాడు.
ఇదీ చదవండి:'ప్లాన్-బీ'తో ఒలింపిక్స్కు సాత్విక్-చిరాగ్ జోడీ