ఆస్ట్రేలియన్‌ ఓపెన్‌ మహిళా ఛాంపియన్‌గా సోఫియా

ఆస్ట్రేలియన్​ ఓపెన్​లో యువ సంచలనం సోఫియా కెనిన్​(అమెరికా) చరిత్ర సృష్టించింది. మహిళల సింగిల్స్​లో టైటిల్​ గెలిచి ఈ ఏడాది తొలి గ్రాండ్​స్లామ్​​ను కైవసం చేసుకుంది. ఇవాళ జరిగిన ఫైనల్లో ముగురుజా(వెనెజువెలా)పై జయకేతనం ఎగురవేసింది.

ఆస్ట్రేలియన్ ఓపెన్‌ మహిళల సింగిల్స్‌లో సరికొత్త ఛాంపియన్ అవతరించింది. అమెరికాకు చెందిన సోఫియా కెనిన్‌ శనివారం జరిగిన ఫైనల్స్‌లో గార్బిన్‌ ముగురుజా(వెనెజువెలా)ను 4-6, 6-2, 6-2 తేడాతో ఓడించి.. కెరీర్​లో తొలి గ్రాండ్‌ స్లామ్‌ టైటిల్‌ సాధించింది. కెనిన్‌ 21 ఏళ్ల 80 రోజుల్లో ఈ ఘనత అందుకుంది. ఫలితంగా ఈ ఫీట్​ సాధించిన రెండో పిన్నవయస్కూరాలిగా పేరు తెచ్చుకుంది. గతంలో రష్యన్‌ స్టార్‌ ప్లేయర్‌ మారియా షరపోవా 2008లో 20 ఏళ్ల 283 రోజుల్లోనే ట్రోఫీ అందుకొని చరిత్ర సృష్టించింది.

ఈ రోజు జరిగిన ఫైనల్‌ పోరులో కెనిన్‌ తొలి రౌండ్‌లో వెనుకబడింది. తర్వాత పుంజుకొని రెండు, మూడు రౌండ్లలో ఆధిక్యం సాధించి మాజీ ఛాంపియన్‌ ముగురుజాను మట్టికరిపించింది.