తొలి డబ్ల్యూటీఏ టైటిల్​ నెగ్గిన అంకిత రైనా

భారత టెన్నిస్​ స్టార్​ అంకిత రైనా.. తన కెరీర్​లో తొలి డబ్ల్యూటీఏ టైటిల్​ను ఖాతాలో వేసుకుంది. మెల్​బోర్న్​ వేదికగా శుక్రవారం జరిగిన ఫిలిప్​ ఐలాండ్​ ట్రోఫీ మహిళల డబుల్స్​ విభాగంలో కామిల్లా రఖిమోవాతో కలిసి రష్యన్​ జోడీపై విజయాన్ని నమోదు చేసింది.

మెల్​బోర్న్​ వేదికగా జరిగిన ఫిలిప్​ ఐలాండ్​ ట్రోఫీ డబ్ల్యూటీఏ 250 టెన్నిస్​ టోర్నీలో భారత టెన్నిస్​ స్టార్​ అంకిత రైనా విజేతగా నిలిచింది. మహిళల డబుల్స్​ విభాగంలో రష్యన్​ భాగస్వామి కామిల్లా రఖిమోవాతో కలిసి శుక్రవారం ట్రోఫీని సొంతం చేసుకుంది. అంతర్జాతీయ టెన్నిస్​ కెరీర్​లో అంకితకు ఇదే తొలి డబ్ల్యూటీఏ టైటిల్​ కావడం విశేషం.

టోర్నీలో భాగంగా శుక్రవారం జరిగిన డబ్ల్యూటీఏ​ టూర్​లో అన్న బ్లింకోవా, అనస్తాసియా పొటాపోవాపై 2-6, 6-4, 10-7 తేడాతో అంకిత ద్వయం గెలుపొందింది. దీంతో మహిళల టెన్నిస్​ అసోసియేషన్​ ర్యాంకింగ్స్​లో టాప్​100లోకి చేరిన అంకిత.. ప్రస్తుతం 94వ స్థానంలో ఉంది.

ఇదీ చూడండి:ఆస్ట్రేలియన్​ ఓపెన్​ ఫైనల్​కు బ్రాడీ, ఒసాకా