'టీ20 ప్రపంచకప్ 2021లో టీమ్ఇండియా(team india t20 world cup) ఫేవరెట్ జట్టు'.. టోర్నీ ఆరంభానికి ముందు ప్రతి ఒక్కరి మనసులో మాట. 'ఈసారి ట్రోఫీ మనదే!' రెండు వార్మప్ మ్యాచ్లు గెలవగానే మాజీలు, అభిమానులు అన్న మాటలివి. 'ఒక్క మ్యాచ్ ఓడినంత మాత్రాన ఏం కాదు. భారత్ బలంగా పుంజుకోగలదు'.. తొలి మ్యాచ్లో పాక్పై ఓడిన తర్వాత వచ్చిన కామెంట్లివి.. అయితే కొద్దిరోజుల సమయంలోనే అంతా మారిపోయింది. రెండేళ్లుగా ఎంతో పట్టుదల, కసితో కనిపిస్తోన్న కోహ్లీసేన మెగాటోర్నీలో మాత్రం చేతులెత్తేస్తోంది. మొదటి మ్యాచ్లో పాకిస్థాన్ చేతిలో చిత్తయిన భారత్.. రెండో మ్యాచ్లో న్యూజిలాండ్(ind vs nz t20)పై ఘోరంగా ఓడిపోయింది. దీంతో ఈ టోర్నీలో సెమీస్ చేరే అవకాశాన్ని దాదాపు చేజార్చుకుంది.
టోర్నీలో సాంకేతికంగా మిగిలే ఉన్నా.. వాస్తవికంగా టీమ్ఇండియా(team india t20 world cup) కథ ముగిసినట్లే. కోట్ల మందిని నిరాశపరిచిన కోహ్లీసేన ఇక చేయగలిగేదేమీ లేదు.. మిగతా మ్యాచ్ల్లో విజయాలతో ఊరడించడం, అద్భుతాల కోసం ఎదురుచూడడం తప్ప!