రిటైర్మెంట్ ప్రకటించిన విండీస్ ఆల్​రౌండర్

వెస్టిండీస్ ఆల్​రౌండర్ డ్వేన్ బ్రావో(Bravo Retirement) తన కెరీర్​కు సంబంధించి కీలక ప్రకటన చేశాడు. టీ20 ప్రపంచకప్​(T20 World Cup) అనంతరం అంతర్జాతీయ క్రికెట్​కు గుడ్​బై చెప్పనున్నట్లు పేర్కొన్నాడు. గురువారం శ్రీలంక-వెస్టిండీస్​ మ్యాచ్(SL vs WI T20) అనంతరం రిటైర్మెంట్​పై బ్రావో క్లారిటీ ఇచ్చాడు.

వెస్టిండీస్​ ఆల్​రౌండర్ డ్వేన్ బ్రావో(Bravo Retirement) అంతర్జాతీయ క్రికెట్​కు వీడ్కోలు పలికాడు. ప్రస్తుతం జరుగుతున్న టీ20 ప్రపంచకప్​ టోర్నీ(T20 World Cup) అనంతరం రిటైర్​ అవనున్నట్లు ప్రకటించాడు. గురువారం శ్రీలంకతో జరిగిన మ్యాచ్​లో విండీస్ ఓటమి అనంతరం ఈ ప్రకటన చేశాడు.

"వీడ్కోలుకు సమయం వచ్చేసింది. 18 ఏళ్లుగా వెస్టిండీస్​ జట్టులో ఆడుతున్నా. ఈ ప్రయాణంలో ఎన్నో ఒడుదొడుకులు ఎదుర్కొన్నా. కానీ, కరీబియన్​ జట్టులో ఆడటం ఎల్లప్పుడూ అదృష్టంగానే భావిస్తా."

-డ్వేన్ బ్రావో, వెస్టిండీస్ ఆల్​రౌండర్.

మూడు ఐసీసీ ట్రోఫీలు నెగ్గి అంతర్జాతీయ స్థాయిలో వెస్టిండీస్​ పేరు నిలబెట్టుకున్నామని బ్రావో అన్నాడు. రెండు ట్రోఫీలు డారెన్ సామి కెప్టెన్సీలోనే పొందినట్లు గుర్తుచేసుకున్నాడు. గురువారం లంకతో మ్యాచ్​ అనంతరం ఫేస్​బుక్​ లైవ్​లో ఈ వ్యాఖ్యలు చేశాడు బ్రావో.

కాగా, టీ20 ప్రపంచకప్​లో (T20 World Cup 2021) సెమీస్​కు ఏమాత్రం అవకాశం లేని శ్రీలంక జట్టు.. తన ఆఖరి గ్రూప్​ మ్యాచ్​లో అదరగొట్టింది. గురువారం జరిగిన మ్యాచ్​లో వెస్టిండీస్​పై (SL Vs WI) 20 పరుగుల తేడాతో ఘన విజయం సాధించింది. దీంతో విండీస్​ సెమీస్​ ఆశలపైనా నీళ్లు చల్లింది. లంక నిర్దేశించిన 190 పరుగుల భారీ లక్ష్యాన్ని ఛేదించడంలో కరీబియన్ బ్యాటర్లు విఫలమయ్యారు. 20 ఓవర్లలో 169 పరుగులు మాత్రమే చేశారు. నికోలస్ పూరన్ (46), హెట్​మెయిర్ (81) రాణించారు. లంక బౌలర్లలో ఫెర్నాండో, కరుణరత్నె రెండు వికెట్ల చొప్పున పడగొట్టారు.

ఇదీ చదవండి: