టీ20 ప్రపంచకప్లో(T20 World Cup 2021) భాగంగా టీమ్ఇండియా తొలి విజయం నమోదు చేసింది. అఫ్గానిస్థాన్పై(IND vs AFG T20) 66 పరుగుల తేడాతో గెలిచింది. ఈ నేపథ్యంలో భారత జట్టు మ్యాచ్ ఫిక్సింగ్కు పాల్పడిందంటూ పలువురు పాకిస్థాన్ క్రికెట్ అభిమానులు ట్రోల్స్ చేస్తున్నారు. దీనిపై స్పందించిన పాక్ మాజీలు వసీమ్ అక్రమ్(Wasim Akram News), వకార్ యూనిస్.. ఇలాంటి కుట్రపూరిత ఆరోపణలు ఎందుకు చేస్తారో అర్థంకాదని వ్యాఖ్యానించారు.
"ఇలాంటి కుట్రపూరిత ఆరోపణలు ఎందుకు చేస్తారో తెలియదు. టీమ్ఇండియా దృఢమైన జట్టు. టోర్నీ ప్రారంభంలో వాళ్లకు సమయం కలిసిరాలేదు అంతే."
-వసీమ్ అక్రమ్, పాకిస్థాన్ మాజీ క్రికెటర్.
"భారత్, అఫ్గానిస్థాన్ మధ్య మ్యాచ్ ఫిక్సింగ్ జరిగిందంటూ వస్తున్న రూమర్స్ను పట్టించుకోవద్దు. ఈ ఆరోపణల్లో అసలు అర్థమే లేదు."
-వకార్ యూనిస్, పాకిస్థాన్ మాజీ క్రికెటర్.
మెగా టోర్నీలో రెండు మ్యాచ్లు ఓడిపోయినంత మాత్రాన టీమ్ఇండియా మేటి జట్టు కాదని ఎలా అంటామని మరికొంతమంది పాక్ మాజీలు అభిప్రాయపడ్డారు.
ఆరోపణలు ఎందుకు?
టీ20 ప్రపంచకప్ తొలి రెండు మ్యాచ్లో టీమ్ఇండియా ఘోరంగా విఫలమైంది. ఈ నేపథ్యంలో సెమీస్ అవకాశాలు దక్కించుకోవాలనే నెపంతో అఫ్గాన్తో మ్యాచ్లో భారత జట్టు ఫిక్సింగ్కు పాల్పడిందని కొందరు పాక్ అభిమానులు భావిస్తున్నారు. టాస్ ఓడిన తర్వాత అఫ్గానిస్థాన్ కెప్టెన్ నబీకి ఫీల్డింగ్ ఎంచుకోమని టీమ్ఇండియా సారథి విరాట్ కోహ్లీ చెప్పాడని కొందరు అంటున్నారు. దీనికి సంబంధించిన వీడియోను నెట్టింట వైరల్ చేస్తున్నారు.
హార్దిక్ పాండ్యా క్యాచ్ మిస్ చేసిన తీరు చూస్తే అఫ్గాన్ ఆటగాళ్లు అమ్ముడుపోయారన్న విషయం స్పష్టమవుతోందని మరికొందరు ట్వీట్ చేశారు. ఈ నేపథ్యంలో పాక్ మాజీల వ్యాఖ్యలకు ప్రాధాన్యం ఏర్పడింది.
కాగా, తొలి రెండు మ్యాచ్ల్లోనూ టీమ్ఇండియా టాస్ ఓడింది. అలాగే, టాస్ గెలిచిన జట్లు ముందుగా ఫీల్డింగ్ చేసేందుకే ఆసక్తి చూపాయి. ఈ నేపథ్యంలోనే కోహ్లీ కూడా అలా ఫన్నీగా అనుంటాడని చెబుతున్నారు భారత అభిమానులు.
మరోవైపు.. నవంబర్ 5న దుబాయ్ వేదికగా టీమ్ఇండియా, స్కాట్లాండ్(IND vs SCO T20) మధ్య మ్యాచ్ జరగనుంది. 8న నమీబియాతో తలపడనుంది కోహ్లీసేన.
ఇదీ చదవండి:
IND vs AFG T20: దుమ్మురేపిన భారత్.. హైలైట్స్ చూసేయండి!
