ఆదివారం చావోరేవో తేల్చుకోవాల్సిన మ్యాచ్లో టీమ్ఇండియా చేతులెత్తేసింది. న్యూజిలాండ్ బౌలర్లు భారత్పై పూర్తి ఆధిపత్యం చెలాయించారు. దీంతో నిర్ణీత 20 ఓవర్లలో 7 వికెట్లు కోల్పోయి 110 పరుగులు చేసింది టీమ్ఇండియా. కివీస్ బౌలర్లలో సోధీ(2), ట్రెంట్ బోల్ట్(2), మిల్నే, సౌథీ చెరో వికెట్ తీశారు.
టాస్ ఓడి బ్యాటింగ్కు దిగిన భారత జట్టు ఆరంభంలోనే తడబడింది. ఇషాన్ కిషన్, కేఎల్ రాహుల్ ఓపెనర్లుగా వచ్చినా జట్టుకు శుభారంభం దక్కలేదు. ఇషాన్(4), కేఎల్ రాహుల్(18), రోహిత్ శర్మ(14), విరాట్ కోహ్లీ(9) పరుగులతో పేలవ ప్రదర్శన చేశారు. అనంతరం రిషభ్ పంత్ 12 పరుగుల వద్ద మిల్నే బౌలింగ్లో క్లీన్ బౌల్డ్ అయ్యాడు.