ఇంకేం చేస్తాం.. బట్టలు సర్దుకోవడమే: జడేజా ఫన్నీ రిప్లై

టీ20 ప్రపంచకప్(t20 world cup 2021)​లో భాగంగా స్కాట్లాండ్​తో జరిగిన మ్యాచ్​లో ఘనవిజయం సాధించింది టీమ్ఇండియా(ind vs sco t20). మ్యాచ్ ముగిశాక మీడియా ముందు మాట్లాడటానికి వచ్చిన స్పిన్నర్ జడేజాకు ఓ ఆసక్తికర ప్రశ్న ఎదురైంది. దానికి తనదైన శైలిలో సమాధానమిచ్చాడు జడ్డూ.

టీ20 ప్రపంచకప్(t20 world cup 2021)​లో భాగంగా స్కాట్లాండ్​తో జరిగిన మ్యాచ్​లో ఘనవిజయం సాధించింది టీమ్ఇండియా(ind vs sco t20). తద్వారా నెట్​ రన్​రేట్​ను మెరుగుపర్చుకుని సెమీ ఫైనల్​ రేసులో మరో అడుగు ముందుకేసింది. అయితే కోహ్లీసేన నాకౌట్​కు అర్హత సాధించాలంటే ఆదివారం న్యూజిలాండ్​పై అఫ్గానిస్థాన్(nz vs afg t20) విజయం సాధించాల్సి ఉంటుంది. స్కాట్లాండ్​తో మ్యాచ్ ముగిసిన అనంతరం జడేజాకు ఇదే ప్రశ్న ఎదురవగా ఆసక్తికర సమాధానమిచ్చాడు జడ్డూ.

మ్యాచ్ ముగిశాక మీడియా వద్దకు మాట్లాడేందుకు వచ్చాడు జడేజా. ఆ సమయంలో ఓ విలేకరి.. 'న్యూజిలాండ్​పై అఫ్గాన్ గెలవకపోతే ఏం చేస్తారు?' అని అడగ్గా.. 'ఇంకేముంది ఇంటికి వెళ్లేందుకు బ్యాగులు సర్దుకోవడమే' అంటూ ఫన్నీ రిప్లై ఇచ్చాడు. ఈ వీడియోను నెట్టింట పోస్ట్ చేయగా అదికాస్తా వైరల్​గా మారింది.

ఈ మ్యాచ్(ind vs sco t20)​లో మొదట బ్యాటింగ్ చేసిన స్కాట్లాండ్​ 17.4 ఓవర్లలో 85 పరుగులకే ఆలౌటైంది. భారత బౌలర్లు చెలరేగడం వల్ల ఏ దశలోనూ కోలుకోలేదు. టీమ్ఇండియా బౌలర్లలో జడేజా, షమీ చెరో మూడు వికెట్లతో సత్తాచాటగా.. బుమ్రా 2, అశ్విన్ 1 వికెట్ దక్కించుకున్నారు. అనంతరం 86 పరుగుల లక్ష్యాన్ని కేవలం 6.3 ఓవర్లలోనే ఛేదించింది కోహ్లీసేన. ఓపెనర్లు రోహిత్ (30), రాహుల్ (50) స్కాట్లాండ్ బౌలర్లపై విరుచుకుపడ్డారు. ఎడాపెడా బౌండరీలు బాదుతూ స్కోర్​ బోర్డును పరుగులు పెట్టించారు. ఈ ఘన విజయంతో గ్రూప్-2లో అత్యధిక నెట్​ రన్​రేట్ కలిగిన జట్టుగా కొనసాగుతోంది భారత్.