టీ20 ప్రపంచకప్లో (T20 World Cup 2021) టీమ్ఇండియాకు సెమీస్ అవకాశాలు (India in Semi Final) ఇంకా సజీవంగానే ఉన్నాయి. తొలి రెండు మ్యాచ్ల్లో పాకిస్థాన్, న్యూజిలాండ్ జట్లతో ఓటమిపాలైన కోహ్లీసేన.. గతరాత్రి అఫ్గానిస్థాన్‌ను (Ind Vs Afg) దంచికొట్టి ఘన విజయం సాధించింది. దీంతో సెమీస్ ఆశలను నిలుపుకొంది. పోటీలో నిలవాలంటే తప్పక గెలవడమే కాకుండా రన్‌రేట్‌ను కూడా మెరుగుపర్చుకోవాల్సిన స్థితిలో భారత్‌ ఆల్‌రౌండ్‌ షోతో అదరగొట్టింది. గతరెండు మ్యాచ్‌ల్లాగే మరోసారి టాస్‌ ఓడి బ్యాటింగ్‌ చేసిన కోహ్లీసేన.. ఈసారి 210/2 భారీ స్కోర్‌ సాధించింది. ఈ మ్యాచ్‌లో భారత్‌ ఘన విజయం సాధించడం వల్ల గ్రూప్‌-2 పాయింట్ల పట్టికలో ఒక స్థానం మెరుగు పర్చుకొని నాలుగో ప్లేస్‌లో నిలిచింది. దీంతో ఇప్పుడందరూ టీమ్ఇండియా సెమీ ఫైనల్‌ చేరాలని కోరుకుంటున్నారు.
T20 World Cup: టీమ్ఇండియాకు సెమీస్ చేరే అవకాశం ఉందా? - virat kohli news
టీ20 ప్రపంచకప్లో (T20 World Cup 2021) పాకిస్థాన్, న్యూజిలాండ్ చేతుల్లో ఓటమిపాలై సెమీస్కు దూరమవుతున్న తరణంలో అఫ్గానిస్థాన్పై గెలిచి ఇంకా పోటీలోనే ఉన్నామని చాటింది టీమ్ఇండియా. అది అంత సులభం కాకున్నా.. అవకాశం మాత్రం లేకపోలేదు. ఎలాగంటే?
టీ20 ప్రపంచకప్
కోహ్లీసేన (Virat Kohli News) ఇప్పుడు సెమీస్ చేరాలంటే అంత తేలికేం కాదు. అయితే టీ20 క్రికెట్‌లో ఏమైనా జరగొచ్చు. న్యూజిలాండ్ తన ఆఖరి రెండు మ్యాచ్ల్లో ఏ ఒక్కటి ఓడినా టీమ్ఇండియాకు మంచి అవకాశాలు ఉంటాయి. అలాగే మన జట్టు మిగతా రెండు మ్యాచ్ల్లో భారీ తేడాతో (Ind Vs Scotland) స్కాట్లాండ్‌, నమీబియాలపై నెగ్గి రన్‌రేట్‌ను (అఫ్గాన్‌ కన్నా 1.481 ప్రస్తుతం) మెరుగుపర్చుకోవాల్సిన అవసరం ఉంది. టీమ్ఇండియా ప్రస్తుత రన్‌రేట్‌ 0.073. ఈ రెండు మ్యాచ్‌లు గెలవడం భారత్‌కు కష్టమేం కాదు. కానీ.. కివీస్‌ ఆ రెండు జట్లతో ఓడాలంటే మాత్రం అద్భుతం జరగాలి. ఈ నేపథ్యంలో భారత అభిమానుల ఆశలన్నీ ఇప్పుడు ప్రధానంగా అఫ్గాన్‌, న్యూజిలాండ్ మ్యాచ్‌పైనే పడ్డాయి. ఆ మ్యాచ్‌లో కివీస్‌ ఓటమిపాలై భారత్‌ ముందుకు సాగాలని ఆశిస్తున్నారు. అదే జరగాలని మనమూ ఆశిద్దాం.
ఇదీ చూడండి:రెండు మ్యాచ్ల్లో అందుకే ఓడిపోయాం: రోహిత్