టీ20 ప్రపంచకప్లో పాకిస్థాన్తో మ్యాచ్లో టీమ్ఇండియా(IND vs PAK T20) ఘోరంగా ఓడిపోయింది. ఈ మ్యాచ్లో రోహిత్ శర్మ, కేఎల్ రాహుల్ను పెవిలియన్కు పంపిన పాకిస్థాన్ పేసర్ షాహీన్ అఫ్రిది.. నమీబియాతో మ్యాచ్లో వారితో పాటు కోహ్లీని అనుకరించాడు. ప్రస్తుతం ఈ వీడియో వైరల్గా మారింది.
నమీబియా బ్యాటింగ్ చేస్తున్న సమయంలో షాహీన్ అఫ్రిది బౌండరీ లైన్ వద్ద ఉన్నాడు. అయితే.. స్టేడియంలో ఉన్న పాక్ అభిమానులు తొలుత 'రోహిత్.. రోహిత్' అంటూ అరిచారు. దీంతో రోహిత్ ఔట్ ఎల్బీడబ్ల్యూగా వెనుదిరిగిన తీరును ఇమిటేట్ చేశాడు షాహీన్. అనంతరం అభిమానులు రాహుల్ పేరు చెప్పగా.. అతడు క్లీన్ బౌల్డ్ అయిన తీరును ఇమిటేట్ చేశాడు.
పాక్ మ్యాచ్లో టీమ్ఇండియా సారథి నిలకడగా రాణించాడు. చివర్లో షహీన్ వేసిన షార్ట్ డెలివరీ ఆడబోయి రిజ్వాన్ చేతికి చిక్కాడు. అయితే.. నమీబియాతో మ్యాచ్లో కోహ్లీ ఔట్ అయిన తీరును కూడా చేసి చూపించాడు షాహీన్ అఫ్రిది.