World Boxing championship Nikhat Zareen: ప్రపంచ బాక్సింగ్ ఛాంపియన్షిప్లో విజేతగా నిలిచిన నిఖత్ జరీన్.. ఆ ఘనత సాధించిన తొలి తెలుగమ్మాయిగా, మొత్తం మీద భారత అయిదో బాక్సర్గా నిలిచింది. రింగ్లో సివంగిలా.. ప్రత్యర్థులకు సింహస్వప్నంలా.. పంచ్‌లతో చెలరేగి సరికొత్త చరిత్ర సృష్టించింది. దీంతో ఆమె సాధించిన విజయంతో దేశం ఉప్పొంగిపోయింది. తాజాగా ఈ విజయం ఓ ఆంగ్ల పత్రికకు ఇంటర్వ్యూ ఇచ్చిన ఈమె తాను విజయం సాధించడంపై హర్షం వ్యక్తం చేసింది. తన అంతిమ లక్ష్యం ఏంటో చెప్పింది.
"ప్రపంచ బాక్సింగ్ ఛాంపియన్షిప్లో గోల్డ్ మెడల్ గెలవడం నా జీవితంలో ఓ గొప్ప సందర్భం. ఈ విజయాన్ని నా స్నేహితులు, కుటుంబంతో కలిసి ఎంజాయ్ చేస్తున్నాను. ఆడపిల్లలు వివిధ క్రీడల్లో పాల్గొంటూ దేశం గర్వపడేలా చేస్తున్నారు. నేను సాధించిన ఈ గెలుపు కేవలం ఆరంభం మాత్రమే. ప్యారిస్ ఒలింపిక్స్లో పతకం సాధించడమే నా అంతిమ లక్ష్యం. నేను నా శిక్షణను కొనసాగిస్తుంటాను."
-నిఖత్ జరీన్, ప్రపంచ బాక్సింగ్ ఛాంపియన్షిప్ విజేత