ఖతార్ వేదికగా శుక్రవారం నుంచి ప్రారంభం కానుంది 'ప్రపంచ అథ్లెటిక్స్ ఛాంపియన్షిప్'. దాదాపు 16 ఏళ్ల తర్వాత, ప్రముఖ స్ప్రింటర్ బోల్ట్ లేకుండా జరుగుతున్న క్రీడలు ఇవే. ఇప్పటికే క్రీడాకారులందరూ సంసిద్ధంగా ఉన్నారు. అయితే ఈసారి మెరుపులు మెరిపించేదెవరు, పతకాలు కొట్టేదెవరో చూడాలి.
బోల్ట్ను భర్తీ చేసేది అతడేనా..?
100 మీటర్ల పరుగు పందెంలో బోల్ట్కు తిరుగుండదు. అయితే ఈ టోర్నీలో అతడి స్థానాన్ని భర్తీ చేసేది ఎవరా అని అభిమానులు ఎదురుచూస్తున్నారు. అమెరికాకు చెందిన కోల్మన్.. ఈసారి ఈ విభాగంలో విజేతగా నిలుస్తాడనేది విశ్లేషకుల అంచనా. గత మూడేళ్ల పాటు 100 మీటర్ల పరుగులో అత్యుత్తమ టైమింగ్ కోల్మన్దే కావడం ఇందుకు ప్రధాన కారణం.
ఈసారి అంతా సరికొత్తగా..!
ఈ పోటీల్లో చాలా మంది కొత్త అథ్లెట్లు బరిలోకి దిగుతున్నారు. గత ఛాంపియన్షిప్లో గెలిచిన కొందరు.. ఈసారి తమదైన ముద్ర వేసేందుకు సిద్ధమవుతున్నారు. 100 మీటర్ల పురుషుల విభాగంలో కోల్మన్, మహిళల్లో దినా యాషర్ స్మిత్.. 200 మీటర్ల మహిళల విభాగంలో మైకేల్ నార్మన్ ప్రత్యేక ఆకర్షణగా నిలవనున్నారు. మిగిలిన వారిలో క్యూబా లాంగ్ జంప్ స్టార్ జువాన్ ఎచెవరియా, స్వీడన్ డిస్కస్ త్రోయర్ డేనియల్ స్టాల్ ఉన్నారు.
లాంగ్ జంప్ చేస్తున్న క్రీడాకారుడు పురుషులు, మహిళలు కలిసి..?
ఈ ప్రపంచకప్లో సరికొత్తగా కనిపించనుంది 4x400 మీటర్ల మిక్స్డ్ రిలే పరుగు. ఇంతకు వరకు లేని విధంగా పురుషుల, మహిళలు కలిసి జట్టుగా బరిలోకి దిగనున్నారు. ఇందులో ఇద్దరు పురుషులు, ఇద్దరు మహిళలు ఉంటారు. ఎవరు ముందు, ఎవరు వెనుక అనేది వారిష్టం. ఈ ఈవెంట్ను ప్రపంచ ఛాంపియన్షిప్లో తొలిసారి ప్రవేశపెడుతున్నారు.
వారికి పెద్ద పరీక్షే..!
ప్రపంచంలో అత్యధికులు వీక్షించే ఫిపా ప్రపంచకప్కు 2022లో ఆతిథ్యమివ్వనుంది ఖతార్. ఆ ప్రతిష్టాత్మక టోర్నీకి ముందు.. వారి నిర్వహణ సామర్థ్యానికి ఇది పెద్ద పరీక్ష. ఇటీవలే జరిగిన ప్రపంచకప్ క్వాలిఫయింగ్ టోర్నీ సందర్భంగా కొన్ని లోపాలు తలెత్తాయి. మ్యాచ్ వీక్షణలో అభిమానులు ఇబ్బందులు ఎదుర్కొన్నారు. ఇటువంటి సమయంలో ఈ పోటీలను సమర్థంగా నిర్వహించి, ఆతిథ్యం విషయంలో భయాలకు తెరదించాలని భావిస్తోంది.
పోటీలకు అతిథ్యమిస్తోన్న ఖతార్ స్టేడియం క్రీడాకారులకు చల్లచల్లగా..!
పోటీలకు ఆతిథ్యమిస్తోన్న ఖతార్లో ఉష్ణోగ్రతలు అధికంగా ఉంటాయి. 40 నుంచి 50 డిగ్రీల మేర నమోదయ్యే అవకాశం ఉంది. అలా ఉంటే క్రీడాకారులతో పాటు వీక్షకులకు కష్టమే. అందుకే స్టేడియంలో భారీ ఎత్తున ఎయిర్ కండిషనర్స్ ఏర్పాటు చేస్తున్నారు. వలయాకారంలో ఉన్న ఈ యంత్రాలు అందరి దృష్టినీ ఆకర్షిస్తున్నాయి.
ప్రపంచ అథ్లెటిక్స్ ఛాంపియన్షిప్ మస్కట్ ఇది చదవండి: పరుగుల రాణి పీటీ ఉషకు అరుదైన గౌరవం
