నిన్న చనిపోయిందని కలకలం.. నేడు స్వర్ణం గెలిచిందని సంబరం

చనిపోయిందనే విషయమై వార్తల్లో నిలిచిన రెజ్లర్ నిశా.. తర్వాత రోజే జరిగిన జాతీయ స్థాయి పోటీల్లో బంగారు పతకం గెలుచుకుంది.

మహిళా రెజ్లర్ నిశా దహియా.. గురువారం, ఉత్తరప్రదేశ్​లో జరిగిన జాతీయ మహిళా రెజ్లింగ్ ఛాంపియన్​పిష్​లో స్వర్ణం సాధించింది. రైల్వేస్ తరఫున బరిలో దిగిన ఈమె.. 65 కిలోల విభాగంలో పతకం దక్కించుకుంది.

అయితే హరియాణాలో బుధవారం జరిగిన ఓ అగ్నిప్రమాదంలో నిశా చనిపోయిందనే వార్తలు వచ్చాయి. తాను జాతీయ సీనియర్ పోటీల్లో పాల్గొనడంలో భాగంగా గోండాలో ఉన్నానని, తనకు ఏం కాలేదని వివరణ ఇచ్చింది. మరణించానంటూ వస్తున్న అసత్య వార్తలను కొట్టిపారేసింది. ఇందుకు సంబంధించిన వీడియోను రెజ్లింగ్ ఫెడరేషన్​ ఆఫ్ ఇండియా ట్వీట్ చేసింది.

ఇవీ చదవండి: