ఉక్రెయిన్​ రెజ్లింగ్​ టోర్నీ ఫైనల్లో వినేశ్​ ఫొగాట్​

ఉక్రెయిన్​ వేదికగా జరుగుతోన్న రెజ్లర్స్​ అండ్​ కోచ్​ల స్మారక టోర్నీ ఫైనల్​కు భారత రెజ్లర్​ వినేశ్​ ఫొగాట్​ చేరింది. శనివారం జరిగిన సెమీస్​లో రొమేనియా రెజ్లర్​ అనాపై నెగ్గి.. ఆదివారం జరగనున్న తుదిపోరులో ప్రపంచ మాజీ ఛాంపియన్​ వెనెసాతో తలపడనుంది.

24వ ఉక్రేనియన్​ రెజ్లర్స్​ అండ్​ కోచ్​ల స్మారక టోర్నీ 53 కేజీల విభాగంలో ఫైనల్​లో భారత రెజ్లింగ్​ క్రీడాకారిణి వినేశ్​ ఫోగాట్​ అడుగుపెట్టింది. 53 కేజీల విభాగంలో శనివారం జరిగిన సెమీఫైనల్​లో రొమేనియాకు చెందిన అనాపై 2-0 పాయింట్లతో నెగ్గిన వినేశ్​.. తుదిపోరుకు అర్హత సాధించింది.

ఈ టోర్నీ ఫైనల్​లో ప్రపంచ రెజ్లింగ్​ మాజీ ఛాంపియన్​ వెనెసా కలాడ్జిన్స్కాయపై ఆదివారం తలపడనుంది. టోక్యో ఒలింపిక్స్​ రెజ్లింగ్​ 53 కేజీల విభాగంలో ఇప్పటికే అర్హత సాధించిన వినేశ్​ ఫొగాట్​.. గతేడాది నవంబరు నుంచి యూరప్​లో రెజ్లింగ్​ శిక్షణ పొందుతోంది.

ఇదీ చూడండి:స్ట్రాంజా స్మారక బాక్సింగ్​ టోర్నీలో దీపక్​కు రజతం