మరో ఐదు రోజుల్లో ఒలింపిక్స్(Tokyo Olympics) క్రీడా సంబరం మొదలవనున్న వేళ.. కరోనా వైరస్ కలకలం రేపింది. ఒలింపిక్స్ క్రీడా గ్రామంలో ఆదివారం రెండు కరోనా కేసులు నమోదయ్యాయి. అంతకుముందు శనివారం ఓ అథ్లెట్కు కరోనా సోకగా.. అతడు ఉంటున్న హోటల్లోనే ఐసోలేషన్లో గడుపుతున్నాడు. అథ్లెట్లకు నిర్వహించిన స్క్రీనింగ్ పరీక్షల్లో ఇప్పటివరకు ముగ్గురు ఆటగాళ్లకు కరోనా సోకినట్లు ఒలింపిక్ నిర్వాహక కమిటీ వెల్లడించింది.
ఒలింపిక్స్లో పాల్గొనేందుకు జులై 1 తేదీ నుంచి 16 మధ్య విదేశాల నుంచి ఇప్పటివరకు దాదాపుగా 15 వేల మంది క్రీడాకారులు, అధికారులు, మీడియా ప్రతినిధులు వచ్చారు. అయితే వారందరికీ నిర్వహించిన కరోనా పరీక్షల్లో కేవలం 15 మందే వైరస్ బారిన పడినట్లు తెలుస్తోంది.