టోక్యో ఒలింపిక్స్ నిర్వహణ కమిటీలోని ఓ వ్యక్తికి కరోనా సోకినట్లు తేలింది. అతడు.. ప్రధాన కార్యాలయంలో పనిచేస్తున్న 35 ఏళ్ల పురుషుడు అని నిర్వహకులు, బుధవారం వెల్లడించారు. తాను ప్రస్తుతం ఇంట్లోనే క్వారంటైన్‌లో ఉన్నాడని చెప్పారు. అతడు పనిచేసిన ప్రాంతంలో క్రిమిసంహారక మందు చల్లినట్లు తెలిపారు. ఆ వ్యక్తితో కలిసి పనిచేసిన వారిని, వారి ఇళ్లలోనే ఉండాలని ఆదేశించినట్లు స్పష్టం చేశారు.
ఒలింపిక్ నిర్వహణ కమిటీలో 3500 మంది ఉద్యోగులు ఉన్నారు. అందులో 90 శాతం మంది, గత కొన్ని రోజులు నుంచి ఇంటి నుంచే పనిచేస్తున్నారు.