OLYMPICS: డోప్​ పరీక్షలో విఫలమైన భారత రెజ్లర్

భారత రెజ్లర్ సుమిత్ మాలిక్ డోపింగ్ పరీక్షలో విఫలమయ్యాడు. దీంతో అతనిపై తాత్కాలిక నిషేధం విధిస్తూ నిర్ణయం తీసుకున్నారు. ఈ విషయాన్ని యునైటెడ్​ వరల్డ్​ రెజ్లింగ్​.. భారత రెజ్లింగ్ సమాఖ్యకు వెల్లడించింది.

టోక్యో ఒలింపిక్స్​కు(TOKYO OLYMPICS) ముందు భారత్​కు పెద్ద ఎదురుదెబ్బ తగిలింది. బల్గేరియా క్వాలిఫయర్స్​లో భాగంగా నిర్వహించిన డోప్​ పరీక్షల్లో భారత రెజ్లర్ సుమిత్ మాలిక్(SUMIT MALIK) విఫలమయ్యాడు. దీంతో రెజ్లింగ్​ నుంచి తాత్కాలికంగా నిషేధం విధించారు.

ఒలింపిక్స్​కు ముందు ఓ రెజ్లర్​ డోపింగ్​ టెస్టులో విఫలమవ్వడం ఇది రెండోసారి. 2016 రియో ఒలింపిక్స్(Rio olympics) సందర్భంగా నర్సింగ్ యాదవ్​ విషయంలోనూ ఇలాగే జరిగింది. అప్పుడు అతనిపై నాలుగేళ్ల నిషేధం పడింది.

2018 కామన్వెల్త్​ గేమ్స్​లో స్వర్ణం సాధించిన సుమిత్.. 125 కిలోల విభాగంలో భారత్​ నుంచి టోక్యో ఒలింపిక్స్​కు అర్హత సాధించాడు. మరోసారి అతని నమూనాలను పరీక్షించనున్నట్లు యునైటెడ్​ వరల్డ్​ రెజ్లింగ్ తెలిపింది. అందులోనూ విఫలమైతే అతనిపై నిషేధం పడనుంది. రెజ్లింగ్​లో మొత్తం 8 మంది ప్రతిష్ఠాత్మక ఈవెంట్స్​కు అర్హత సాధించారు. అందులో నలుగురు పురుషులు, మరో నలుగురు మహిళలు.

ఇదీ చదవండి:Kohli Fan: 'దయచేసి నాకు కోహ్లీని ఇవ్వండి'