Tennis Mixed Doubles Championship: ఆస్ట్రేలియన్ మిక్స్డ్ డబుల్స్ ఛాంపియన్‌షిప్‌లో క్రిస్టినా మ్లాడెనోవిచ్(ఫ్రాన్స్), ఇవాన్ డోడిగ్(క్రొయేషియా) జోడీ విజయం సాధించింది. ఆస్ట్రేలియా ప్లేయర్లు జైమీ ఫోర్లిస్, జాసన్ కుబ్లర్‌ జంటను 6-3, 6-4 తేడాతో ఓడించింది.
2014లో డేనియల్ నెస్టర్‌తో కలిసి మ్లాడెనోవిచ్, ఆస్ట్రేలియన్ ఓపెన్‌లో మిక్స్డ్ డబుల్స్ టైటిల్‌ను ఇప్పటికే గెలుచుకుంది. 2018, 2020లో రెండుసార్లు మహిళల డబుల్స్ టైటిల్స్ను సొంతం చేసుకుంది.
డోడిగ్ ఇప్పటికే మూడు గ్రాండ్ స్లామ్ మిక్స్డ్ డబుల్స్ టైటిళ్లను, పురుషుల డబుల్స్‌లో.. గత ఏడాది ఫిలిప్ పోలాసెక్‌తో కలిసి ఆస్ట్రేలియన్ ఓపెన్ టైటిల్‌తో సహా రెండు టైటిల్‌లను సొంతం చేసుకున్నాడు.