జమైకా దిగ్గజ స్ప్రింటర్‌ ఉసేన్‌ బోల్ట్ ఇటీవల తండ్రి అయ్యాడు. బోల్ట్ భాగస్వామి కాసీ బెన్నెట్‌ జూన్‌ 14న పండంటి ఆడబిడ్డకు జన్మనిచ్చింది. అయితే ఇప్పటి వరకు తన కూతురు ఫొటో కానీ, పేరును కానీ అతడు ప్రకటించలేదు.
అయితే తాజాగా తన భార్య కాసీ పుట్టిన రోజు సందర్భంగా సోషల్‌ మీడియాలో కూతురు ఫొటోను షేర్‌ చేసి పేరును ప్రకటించాడు బోల్ట్. 'నా ప్రియురాలు కాసీకి పుట్టిన రోజు శుభాకాంక్షలు. ఈ ప్రత్యేక రోజున నీతో ఆనందంగా గడపాలని కోరుకుంటున్నా. నేను మీ ఆనందాన్ని తప్ప మరేది కోరుకోను. నిన్ను ఎప్పుడు సంతోషంగా, చిరునవ్వుతో ఉంచడం నా బాధ్యత. మేము మా కూతురు 'ఒలింపియా లైట్నింగ్'తో కొత్త జీవితాన్ని ప్రారంభిచాం' అంటూ బోల్ట్ తన కూతురి పేరును ప్రకటించాడు.