దాదాపు పదేళ్ల తర్వాత భారత జిమ్నాస్టిక్స్ సమాఖ్య (జీఎఫ్ఐ)ను జాతీయ క్రీడా సమాఖ్య(ఎన్ఎస్ఎఫ్)గా గుర్తింపును పునరుద్ధరించింది కేంద్ర క్రీడా మంత్రిత్వ శాఖ. ఈ ఏడాది డిసెంబర్ 31 వరకు ఈ గుర్తింపు అమల్లో ఉంటుంది. జీఎఫ్ఐలో అంతర్గత కలహాల కారణంగా 2011లో దాని గుర్తింపు రద్దైంది.
గుర్తింపుతో పాటు 2019-2023 కాలానికి జీఎఫ్ఐ అధ్యక్షుడిగా సుధీర్ మిట్టల్, కోశాధికారిగా కౌశిక్ బిడివాలా ఎన్నికను ధ్రువీకరించింది కేంద్రం. ప్రధాన కార్యదర్శిగా ఎన్నికైన శాంతి కుమార్ సింగ్ పదవిపై మణిపూర్ హైకోర్టు ఉత్తర్వుల తర్వాత నిర్ణయిస్తామని సుధీర్కు పంపిన లేఖలో చెప్పింది.