హైదరాబాదీ టెన్నిస్ సెన్సేషన్ సానియా మీర్జా తన కెరీర్ లో చివరి గ్రాండ్‌స్లామ్ ఆస్ట్రేలియన్ ఓపెనే అని ఇటీవలే ప్రకటించింది. ఈ టోర్నీ తర్వాత ఆమె టెన్నిస్కు గుడ్బై చెప్పనుంది. ఇప్పుడీ గ్రాండ్‌స్లామ్ వుమెన్స్ డబుల్స్ తొలి రౌండ్లో సానియా విజయం సాధించింది. తన డబుల్స్ భాగస్వామి ఏనా డానిలినాతో కలిసి బరిలోకి దిగిన సానియా.. అమెరికా, హంగరీ జోడీ బెర్నార్నాడా పెరా, డాల్మా గల్ఫీపై 6-2, 7-5 తేడాతో వరుస సెట్లలో గెలిచింది.
చివరి గ్రాండ్‌స్లామ్‌ను విజయంతో మొదలుపెట్టిన సానియా.. టైటిల్ సాధిస్తుందా?
తన కెరీర్లో చివరి గ్రాండ్‌స్లామ్‌ను విజయంతో మొదలుపెట్టింది సానియా మీర్జా. ఆస్ట్రేలియన్ ఓపెన్ వుమెన్స్ డబుల్స్ తొలి రౌండ్లో గెలిచి రెండో రౌండ్లో అడుగుపెట్టింది.
sania mirza won first round in women doubles in australia open 2023
ఈ ఆస్ట్రేలియన్ ఓపెన్ వుమెన్స్ డబుల్స్లో సానియా, డానిలినా జోడీ 8వ సీడ్గా బరిలోకి దిగింది. తొలి సెట్ను వీళ్లిద్దరూ కేవలం 25 నిమిషాల్లోనే 6-2తో గెలుచుకున్నారు. తొలి సెట్లో సానియా తన ఫోర్ హ్యాండ్ షాట్లతో చెలరేగింది. రెండో సెట్లోనూ మొదట్లోనే రెండు బ్రేక్స్ సాధించి 4-1 ఆధిక్యంలోకి దూసుకెళ్లింది. అయితే ఆ తర్వాత తడబడింది. ఆరో గేమ్లో సానియా డబుల్ ఫాల్ట్తో ప్రత్యర్థి జోడీ మళ్లీ పుంజుకుంది. అయితే చివరికి 7-5తో సెట్ తోపాటు మ్యాచ్ను కూడా గెలుచుకుంది. వుమెన్స్ డబుల్స్ లోనే కాదు.. రోహన్ బోపన్నతో కలిసి సానియా మిక్స్‌డ్ డబుల్స్ లోనూ బరిలోకి దిగనుంది.
గతేడాదే తాను రిటైరవనున్నట్లు సానియా మొదట చెప్పినా.. గాయం కారణంగా యూఎస్ ఓపెన్కు దూరం కావడంతో ఇప్పుడు ఆస్ట్రేలియన్ ఓపెన్లో ఆడి తప్పుకోవాలని నిర్ణయించింది. మొత్తం ఆరు గ్రాండ్ స్లామ్ టైటిల్స్ గెలిచిన సానియా.. అందులో రెండు ఆస్ట్రేలియాలోనే గెలుచుకుంది.