అంతర్జాతీయ వేదికపై భారత మహిళా బాక్సర్లు అదరహో అనిపించారు. రష్యాలో శనివారం జరిగిన 'మగ్మద్ సలామ్ ఉమఖ్నోవ్ మెమోరియల్ ఇంటర్నేషనల్ బాక్సింగ్ టోర్నీ' ఫైనల్లో ఇద్దరు మహిళా క్రీడాకారిణులు పసిడి గెలిచారు. స్టార్ బాక్సర్ లవ్లీనా బోర్గేన్(69 కేజీలు) విభాగంలో పోటీపడి కాన్ఫొరా(ఇటలీ)ను 3-2 తేడాతో ఓడించింది. మరో మ్యాచ్లో నీరజ్(57 కేజీలు) విభాగంలో షకిదోవా(రష్యా)పై 3-0 తేడాతో గెలిచింది. ఫలితంగా భారత్ ఖాతాలో రెండు స్వర్ణాలు చేరాయి.
రష్యా బాక్సింగ్ టోర్నీలో భారత్కు మూడు పతకాలు
రష్యాలో జరుగుతున్న అంతర్జాతీయ బాక్సింగ్ టోర్నీలో భారత బాక్సర్లు సత్తా చాటారు. కాస్పియస్క్ వేదికగా శనివారం జరిగిన మ్యాచ్ల్లో రెండు స్వర్ణాలు, ఒక వెండి పతకం గెలుచుకున్నారు. ఇద్దరు మహిళా బాక్సర్లు లవ్లీనా, నీరజ్ పసిడి పంచ్ విసిరగా... మరొక యువ బాక్సర్ గౌరవ్ వెండి పతకం సొంతం చేసుకున్నాడు.
రష్యా బాక్సింగ్ టోర్నీలో భారత్కు మూడు పతకాలు
వెండితోనే సరి...
ఉమఖ్నోవ్ టోర్నీలో పసిడి పతకంపై ఆశలు రేపిన యువ బాక్సర్ గౌరవ్ ఫైనల్లో నిరాశపరిచాడు. శనివారం జరిగిన మ్యాచ్లో శరక్మతోవ్(ఉజ్బెకిస్థాన్) చేతిలో 5-0 తేడాతో ఓడిపోయాడు. ఫలితంగా రజతంతోనే సరిపెట్టుకున్నాడు.