భారత యువ గ్రాండ్మాస్టర్ ప్రజ్ఞానంద మరో ఘనతను సాధించి ఓ సూపర్ రికార్డ్ను తన ఖాతాలో వేసుకున్నాడు. అమెరికన్‌ ఫైనల్‌ ఆఫ్‌ ఛాంపియన్స్‌ చెస్‌ టూర్‌లో భాగంగా ఎఫ్‌టీఎక్స్‌ క్రిప్టో కప్‌ టోర్నీలో సోమవారం జరిగిన పోటీల్లో ప్రపంచ ఛాంపియన్ మాగ్నస్ కార్ల్‌సన్‌ను ఓడించాడు. ఉత్కంఠగా సాగిన ఈ పోరులో టైబ్రేక్లో ఈ విజయం సాధించాడు. కేవలం ఆరు నెలల వ్యవధిలో మాగ్నస్ కార్లెసన్ను ప్రజ్ఞానంద ఓడించడం ఇది మూడోసారి. ఈ విజయంతో అతడు టోర్నీలో రన్రప్గా నిలిచాడు.
వీరిద్దరి మధ్య మొత్తం ఆరు గేమ్స్‌ జరగ్గా.. ప్రజ్ఞానంద మూడు సార్లు విజయం సాధించగా.. కార్ల్సన్ ఒక సారి గెలిచాడు. తొలి రెండు గేమ్‌లు డ్రాగా ముగిశాయి. మొత్తం మీద టోర్నిలో అత్యధికంగా 16 పాయింట్లు సాధించడంతో కార్ల్‌సన్‌ను విజేతగా ప్రకటించగా.. ప్రజ్ఞానంద 15 పాయింట్లతో రన్నరప్‌గా నిలిచాడు.