Praggnanandhaa Chess FIDE World Cup 2023 Final : ప్రజ్ఞానందకు నిరాశ.. ఫిడే చెస్ విజేతగా మాగ్నస్ కార్ల్​సన్​

Praggnanandhaa Chess FIDE World Cup 2023 Final : ఫిడే చెస్‍ ప్రపంచ ఛాంఫియన్​షిప్​లో గ్రాండ్ మాస్టర్,​ భారత యువ సంచలనం ప్రజ్ఞానందకు నిరాశ ఎదురైంది. ఫైనల్స్​లో ప్రపంచ నెం 1 మాగ్నస్ కార్ల్​సన్​ ఫిడే చెస్‍ విజేతగా నిలిచాడు.

Praggnanandhaa Chess FIDE World Cup 2023 Final :ఫిడే చెస్‍ ప్రపంచకప్‍ ఛాంపియన్​షిప్​లో గ్రాండ్ మాస్టర్, భారత యువ సంచలనం​ ప్రజ్ఞానందకు నిరాశ ఎదురైంది. ఫైనల్స్​లో ప్రపంచ నెం 1 మాగ్నస్ కార్ల్​సన్​ ఫిడే చెస్‍ విజేతగా నిలిచాడు. ర్యాపిండ్​ రౌండ్​ మొదటి గేమ్​లో కార్ల్​సన్​ గెలిచాడు. ఇక రెండో గేమ్​ డ్రా అవ్వడం వల్ల ప్రజ్ఞానంద రన్నరప్​తో సరిపెట్టుకోవాల్సి వచ్చింది. దీంతో విజేత కార్ల్​సన్​ లక్షా 10 వేల డాలర్లు ( రూ. సుమారు 91 లక్షలు), రన్నరప్​గా నిలిచిన ప్రజ్ఞానంద 80వేల డాలర్లు (రూ. సుమారు 66 లక్షలు) ప్రైజ్​మనీ పొందనున్నారు.

గురువారం జరిగిన టై బ్రేక్​ రౌండ్​ తొలి గేమ్​లో నలుపు పావులతో ఆడిన కార్ల్​సన్.. ప్రజ్ఞానందపై 45 ఎత్తుల తర్వాత​ విజయం సాధించాడు. దీంతో ప్రజ్ఞానందకు రెండో గేమ్ తప్పక గెలవాల్సిన పరిస్థితి ఏర్పడింది. ఇక రెండో గేమ్​లో నలుపు పావులతో బరిలోకి దిగిన ప్రజ్ఞానంద.. మొదటి నుంచి ప్రత్యర్థి కార్ల్​సన్​కు గట్టిపోటీనిచ్చాడు. కానీ రెండో గేమ్​ గెలవలేక.. డ్రా గా ముగించాడు. దీంతో తొలి ర్యాపిడ్​ రౌండ్​లోనే ఫలితం తేలిపోయింది. మొదటిసారిగా కార్ల్​సన్​ ఫిడే చెస్ ప్రపంచకప్​ ఛాంపియన్​గా నిలిచాడు.

Praggnanandhaa FIDE World Cup 2023:అంతకుముందు మంగళవారం.. ప్రజ్ఞానంద - కార్ల్​సన్​ మధ్య జరిగిన ఫైనల్​ పోరు డ్రాగా ముగిసింది. దీంతో బుధవారం మరోసారి వీరిద్దరూ తలపడ్డారు. రెండోసారి కూడా ఆట డ్రా అయ్యింది. ఇక గురువారం టై బ్రేక్​ రౌండ్​ ఫార్మాట్​లో గేమ్​ నిర్వహించి విజేతను డిక్లేర్ చేశారు. ఈ టోర్నమెంట్​లో సాధించిన ఫలితాల వల్ల ప్రజ్ఞానంద.. కెనడాలో జరిదే 2024 క్యాండిడేట్‌ టోర్నీకి అర్హత సాధించాడు. ఈ టోర్నమెంట్​కు అర్హత సాధించిన మూడో అతి పిన్న వయస్కుడిగా నిలిచాడు ప్రజ్ఞానంద. అతడి కంటే ముందు బాబి ఫిషర్‌, కార్ల్‌సన్‌ ఈ పోటీల్లో పాల్గొన్నారు. అంతే కాకుండా 2005లో ప్రపంచకప్‌లో నాకౌట్‌ ఫార్మాట్‌ ప్రవేశపెట్టిన తర్వాత ఫైనల్‌ చేరిన తొలి భారత ఆటగాడు అతనే. అంతకుముందు లీగ్‌ కమ్‌ నాకౌట్‌ పద్ధతిలో జరిగిన ప్రపంచకప్‌ల్లో ఆనంద్‌ 2000, 2002లో టైటిల్‌ నెగ్గాడు.