అదరగొట్టిన బాక్సర్​ పూజ- మరోసారి స్వర్ణం

ఆసియా బాక్సింగ్​ ఛాంపియన్​షిప్​లోని 75 కిలోల విభాగంలో భారత బాక్సర్​ పూజా రాణి విజేతగా నిలిచింది. ఆదివారం టోర్నీలో జరిగిన ఫైనల్లో మోవ్లోనోవా(ఉజ్బెకిస్థాన్​)పై విజయం సాధించి మరోసారి స్వర్ణ పతకాన్ని ముద్దాడింది.

దుబాయ్​ వేదికగా జరుగుతోన్న ఆసియా బాక్సింగ్​ ఛాంపియన్​షిప్​లో డిఫెండింగ్​ ఛాంపియన్ పూజా రాణి(75 కిలోలు) వరుసగా విజేతగా నిలిచింది. ఆదివారం టోర్నీలో జరిగిన తుదిపోరులో మావ్లుడా మోవ్లోనోవా(ఉజ్బెకిస్థాన్​)పై గెలుపొంది స్వర్ణ పతకాన్ని సొంతం చేసుకుంది. ఈ పతకంతో పాటు ఆమెకు రూ.7.23 లక్షల(10వేల డాలర్లు)ను బహుమానంగా ఇవ్వనున్నారు.
అయితే టోర్నీలో తొలిసారి పాల్గొన్న భారత బాక్సర్​ లాల్బుయట్​సైహి 64 కేజీల విభాగంలో రజతం సాధించింది. ఫైనల్లో మిలాన సాఫ్రనోవా(కజకిస్థాన్)కు గట్టిపోటీ ఇచ్చినప్పటికీ 2-3 తేడాతో ఓటమి చవిచూసింది. అంతకుముందు ప్రపంచ మాజీ ఛాంపియన్​ మేరీ కోమ్​ కూడా 51 కేజీల విభాగంలో రజత పతకాన్ని గెలుచుకుంది.

ఇదీ చూడండి:పసిడికి అడుగు దూరంలో భారత బాక్సర్లు