Olympics: రేస్ మధ్యలో అథ్లెట్​ను వెంబడించిన కుక్కలు

ఇప్పటివరకు జరిగిన ఒలింపిక్స్​లో మనకు తెలియని ఎన్నో ఆసక్తికర సంఘటనలు ఉన్నాయి. వాటిలో కొన్ని 1904 యూఎస్​ ఒలింపిక్స్​లో ఆవిష్కృతమయ్యాయి. ఆ విశేషాలు మీకోసం.

అత్యంత ప్రతిష్టాత్మక టోక్యో ఒలింపిక్స్​ ప్రారంభానికి.. మరికొద్ది రోజులే మిగిలుంది. అయితే ఈ మెగాక్రీడలకు సంబంధించిన ఎన్నో అద్భుత, ఆసక్తికర విషయాలు ఉన్నాయి. 1904లో అలాంటి అద్భుతాలు కొన్ని నమోదయ్యాయి. ఇంతకీ అవేంటి? వాటి సంగతేంటి?

1904 ఒలింపిక్స్ విశేషాలు

• ఐరోపా కాకుండా మరో దేశంలో జరిగిన మొట్టమొదటి ఒలింపిక్స్ ఇవి. యూఎస్​ఏలో సెయింట్ లూసియాలో నిర్వహించారు.
• ఈ ఒలింపిక్స్​తోనే మూడు మెడల్స్(బంగారం, రజతం, కాంస్యం) విధానాన్ని ప్రవేశపెట్టారు.
• బాక్సింగ్, డంబెల్స్, ఫ్రీస్టైల్ రెజ్లింగ్, డెకథ్లాన్​ పోటీలను తొలిసారిగా తీసుకొచ్చారు.
• రైలు ప్రమాదంలో కాలు కోల్పోయిన అమెరికన్ జిమ్నాస్ట్ జార్జ్ ఐసర్.. కృత్రిమ కాలితో బరిలోకి దిగాడు. ఆరు పతకాలు సాధించాడు. అందులో మూడు స్వర్ణాలు ఉండటం విశేషం.
  

  ఒలింపిక్ మెడల్
• ఐరోపాలో అనిశ్చితి, రూసో-జపనీస్ యుద్ధ నేపథ్యంలో కొంతమంది అథ్లెట్లు ఈ ఒలింపిక్స్​కు రాలేకపోయారు.
• 239 పతకాలు గెల్చుకున్న యూఎస్​ఏ బృందం.. ఓ ఒలింపిక్స్​లో ఎక్కువ మెడల్స్ సొంతం చేసుకున్న దేశంగా నిలిచింది.
• మారథాన్ పోటీల్లో పాల్గొన్న అథ్లెట్లు.. గతుకుల రోడ్డుపైనే పరుగు పెట్టారు. పైన ఎండ, కింద ధూళితో ఇబ్బందులు పడ్డారు.
• దక్షిణాఫ్రికా తొలిసారి ఈ ఒలింపిక్స్​తోనే బరిలో నిలిచింది. ఈ జట్టులో ఓ రన్నర్​ను రేసు మధ్యలో కుక్కలు వెంబడించాయి.
  

  .

ఇవీ చదవండి: