చైనా బీజింగ్లో జరుగుతున్న షూటింగ్ ప్రపంచకప్లో భారత్ ఖాతాలో మరో స్వర్ణం చేరింది. పురుషుల 10 మీటర్ల ఎయిర్ పిస్టల్ విభాగంలో అభిషేక్వర్మ పసిడి కైవసం చేసుకున్నాడు. ఎనిమిది మంది తలపడిన ఫైనల్లో 242.7 పాయింట్లు సాధించి అగ్రస్థానంలో నిలిచాడు.
అభిషేక్కు పసిడి... ఒలింపిక్స్ బెర్త్ పదిలం
ఐఎస్ఎస్ఎఫ్ ప్రపంచకప్లో అభిషేక్ వర్మ స్వర్ణం గెలిచాడు. పురుషుల 10 మీటర్ల ఎయిర్ పిస్టల్ విభాగంలో 242.7 పాయింట్ల సాధించి అగ్రస్థానంలో నిలిచాడు. ఈ విజయంతో ఒలింపిక్స్లో చోటు ఖాయం చేసుకున్నాడు.
అభిషేక్ వర్మ
ఈ విజయంతో ఒలింపిక్స్ కోటాలో ఐదో స్థానాన్ని పదిల పరచుకున్నాడు అభిషేక్వర్మ. 2020లో జరగనున్న టోక్యో ఒలింపిక్స్ బెర్త్ను ఇప్పటికే అన్జుమ్, అపూర్వీ చండిలా, సౌరభ్ చౌదరి, దివ్యాంశ్ ఖాయం చేసుకున్నారు.
దిల్లీలో జరిగిన ఐఎస్ఎస్ఎఫ్ ప్రపంచకప్లో అభిషేక్ విఫలమైనప్పటికీ.. ఈ టోర్నీలో సత్తాచాటాడు. రష్యాకు చెందిన ఆర్టెమ్ 240.4 పాయింట్లతో రజతం సొంతం చేసుకోగా.. కొరియా క్రీడాకారుడు హ్యాన్ 220 పాయింట్లతో కాంస్యం గెలుచుకున్నాడు.