ఒలింపిక్ ఛాంపియన్ 100వ పుట్టినరోజు

ప్రపంచంలోనే అత్యధిక వయసు కలిగిన ప్రముఖ ఒలింపియన్,​ హంగేరీ జిమ్నాస్ట్​ అగ్నెస్​ కెలెటీ శనివారం 100వ పడిలోకి అడుగుపెట్టారు. పుట్టినరోజు వేడుకను ఎంతో సంతోషంగా జరుపుకొన్నారు. నూరేళ్ల జీవితం ఎన్నో మధుర జ్ఞాపకాలు ఉన్నాయని చెప్పారు.

మరో ఒలింపియన్​ శత వసంతంలోకి అడుగుపెట్టారు. హంగేరీ జిమ్నాస్ట్‌ అగ్నెస్‌ కెలెటీ శనివారం తన 100వ పుట్టినరోజు ఎంతో ఆనందంగా చేసుకున్నారు. ఈ సందర్భంగా తన జీవితంలో ఎదుర్కొన్న అనుభవాలు, సాధించిన ఘనతలన్నింటినీ ఓ చోటకు చేర్చి 'ది క్వీన్​ ఆఫ్​ జిమ్నాస్టిక్స్​: 100 ఇయర్స్​ ఆఫ్​ అగ్నెస్​ కెలెటీ' పేరుతో పుస్తకాన్ని విడుదల చేశారు. నూరేళ్ల జీవితాన్ని ఎంతో ఆస్వాదించినట్లు తెలిపారు.

1921లో పుట్టిన కెలెటీ.. కెరీర్​లో ఐదు స్వర్ణలతో కలిపి మొత్తంగా 10 ఒలింపిక్ పతకాలు సాధించారు. 1956 మెల్​బోర్న్ ఒలింపిక్స్​లో ఆరు మెడల్స్​ సాధించి అత్యంత విజయవంతమైన అథ్లెట్​గా ప్రత్యేక గుర్తింపు తెచ్చుకున్నారు.

అగ్నెస్​ కెలెటీ

ఇదీ చూడండి : అశ్విన్ బౌలింగ్​లో 10సార్లు ఔటైన బ్యాట్స్​మన్!