ప్రొఫెషనల్​ బాక్సర్ విజేందర్‌కు వరుసగా 12వ విజయం

ప్రొఫెషనల్​ బాక్సింగ్​లో భారత స్టార్ బాక్సర్​ విజేందర్ సింగ్ వరుసగా 12వ సారి గెలిచాడు. ఘనాకు చెందిన చార్లెస్​పై విజయం సాధించాడు.

భారత స్టార్‌ బాక్సర్‌ విజేందర్‌సింగ్‌ ప్రొఫెషనల్‌ బాక్సింగ్‌లో వరుసగా 12వ విజయం నమోదు చేశాడు. దుబాయి వేదికగా శుక్రవారం జరిగిన బౌట్​లో ఘనాకు చెందిన చార్లెస్‌ ఆడమ్‌ను చిత్తు చేశాడు. ఎనిమిది రౌండ్ల ఈ సమరంలో విజేందర్‌ ధాటికి ఏ దశలోనూ నిలువలేకపోయాడు చార్లెస్‌.

"చార్లెస్ మంచి ఫైటర్​, కానీ నేను పూర్తి సన్నద్ధతతో అతడి పంచ్​లను ఎదుర్కొన్నాను. విజయం సాధించాను. దుబాయిలో ఇలా గెలవడం సంతోషంగా ఉంది" -విజేందర్‌సింగ్‌, భారత స్టార్‌ బాక్సర్‌