FIFA World Cup 2022 Dhoni Craze :ఫిఫా ప్రపంచకప్‌లో భాగంగా సెర్బియాపై బ్రెజిల్‌ 2-0 తేడాతో ఘన విజయాన్ని నమోదు చేసింది. తన అద్భుతమైన ప్రదర్శనతో ఆకట్టుకొన్న బ్రెజిల్‌ ఆటగాడు రిచర్లీసన్‌ జట్టును విజయం వైపుగా నడిపించాడు. ఈ నేపథ్యంలో గురువారం దోహా స్టేడియంలో టీమ్ఇండియా మిస్టర్‌ కూల్‌ మహేంద్రసింగ్‌ ధోనీ అభిమానుల సందడి కనిపించింది.
ఫిఫా ప్రపంచకప్‌లో ధోనీ క్రేజ్ మామూలుగా లేదుగా... చెన్నై జెర్సీతో బ్రెజిల్‌కు మద్దతు!
టీమ్ఇండియా మాజీ సారథి ధోనీకి ఉన్న క్రేజ్ అంతా ఇంతా కాదు. తన ఆటతో అందరినీ ఆకట్టుకున్న తలైవాపై తమకున్న అభిమానాన్ని ఫ్యాన్స్ ఏదో ఒక రూపంలో చాటుకుంటారు. ఇలానే ఓ అభిమాని ఫిపా వరల్డ్ కప్ మ్యాచ్లో సందడి చేశాడు.
ms-dhoni-fan-flaunts-csk-jersey-during-brazil-vs-serbia-match-in-qatar
స్టాండ్స్‌లో ఉన్న ఓ భారతీయ అభిమాని చెన్నై జెర్సీతో మ్యాచ్‌కు హాజరయ్యాడు. ఈ మ్యాచ్లో గెలుపునకు తోటి ప్రేక్షకులతో కలిసి సంబరాలు చేసుకున్నాడు. ఈ సందర్భంగా ఓ బ్రెజిల్‌ అభిమానితో కలిసి ఫొటోలకు ఫోజులిచ్చాడు. ఆ సమయంలో ధోనీ పేరుతో ఉన్న జెర్సీని చూపుతూ తన అభిమానాన్ని చాటుకున్నాడు. వీటిని చెన్నై జట్టు ట్విటర్‌లో పంచుకోవడంతో వైరల్‌గా మారాయి. ఈ పోస్ట్‌ ధోనీ అభిమానులను విపరీతంగా ఆకట్టుకుంటోంది. సెర్బియాపై విజయం అనంతరం స్విట్జర్లాండ్‌ను ఈ జట్టు ఢీకొట్టనుంది.