Mirabai Chanu: మీరాబాయ్​ చానుకు గోల్డ్​ మెడల్

Mirabai Chanu: స్టార్​ వెయిట్​లిఫ్టర్​ మీరాబాయ్​ చాను 55 కిలోల విభాగంలో కామన్​వెల్త్​ క్రీడల్లో పాల్గొనేందుకు అర్హత సాధించింది. సింగపూర్​లో జరిగిన వెయిట్​లిఫ్టింగ్​ టోర్నీలో స్వర్ణం గెలిచి ఈ ఘనత పొందింది. ఇప్పటికే 49 కిలోల విభాగంలో కామన్​వెల్త్​కు చాను అర్హత సాధించింది.

Mirabai Chanu: ఒలింపిక్స్​ పతక విజేత, వెయిట్​లిఫ్టర్​ మీరాబాయ్​ చాను స్వర్ణం గెలుచుకుంది. సింగపూర్​ వేదికగా జరిగిన వెయిట్​లిఫ్టింగ్​ టోర్నీలో శుక్రవారం ఈ ఘనత సాధించింది. 55 కేజీల విభాగంలో తొలిసారిగా పోటీ పడిన చాను.. 191 కేజీలు (86 కిలోలు +105 కిలోలు) ఎత్తి విజేతగా నిలిచింది. ఆ తర్వాతి స్థానాల్లో ఆస్ట్రేలియాకు చెందిన జెస్సికా సెవాస్టెన్కోస్ 167 కేజీ (77+90), మలేసియాకు చెందిన ఎల్లీ కెసాండ్రా ఎంగ్లీబెర్ట్​ 165 కేజీ (75+90) నిలిచారు.

కామన్​వెల్త్​కు అర్హత..

ఇప్పటికే 49 కిలోల విభాగంలో కామన్​వెల్త్​కు అర్హత సాధించిన చాను.. ఇప్పుడు 55 కిలోల కేటగిరీలో కూడా అర్హత సాధించింది. భారత్​కు మరిన్ని స్వర్ణాలు అందించడమే లక్ష్యంగా చాను ఈ నిర్ణయం తీసుకున్నట్లు తెలుస్తోంది. వచ్చే కామన్​వెల్త్​ క్రీడల్లో ఈ విభాగంలోనే చాను పోటీ చేసే అవకాశం ఉంది.

ఇదీ చూడండి :దాదా-ద్రవిడ్​పై వ్యాఖ్యలు.. సాహాకు బీసీసీఐ నోటీసులు!